'Errelato partziala ezartzen' saiatzea egotzi dio Amaiurrek Espainiari
Espainiako Gobernuak Terrorismoaren Biktimen Oroimenezko Zentroa gauzatzeko esku artean duen proiektuarekin "biktimak baztertzen dituen errelato partziala inposatzen" saiatzea egotzi dio Amaiurrek PPren Gobernuari. Halaber, Estatu terrorismoaren biktimei diru-laguntzak "etetea" kritikatu du Amaiurrek.
Xabier Mikel Errekondo eta Onintza Enbeita Amaiurreko bozeramaileek prentsaurrekoa eskaini dute ostegun goizean Donostian, atzo Espainiako Gobernuak Terrorismoaren Biktimen Oroimenezko Zentroa Gasteizen egingo dutela iragarri ostean.
"Giza eskubideez eta askatasunaz hitz egiteko ezin da giza eskubideen urraketa pairatu duen inor baztertu", azaldu dute. Hori dela eta, "biktima guztientzat" egia, justizia eta erreparazioa eskatu dute.
Errelato partziala, "berea", inposatzen saiatzea egotzi dio Amaiurrek Espainiako Gobernuari, eta "benetako eta bidezko bakea lortzeko" inork ezin duela errelatotik kanpo gelditu nabarmendu du.
Ildo horretan, "estalitako" indarkeria kasuak daudela adierazi dute, Angel Berroetarena kasu. Halaber, Estatu terrorismoaren biktimei diru-laguntzak "etetea" salatu dute.
Amaiurren iritziz, Terrorismoaren Biktimen Oroimenezko Zentroa "Euskal Herritik eta Euskal Herriarentzat" egin behar da, eta horren inguruan "adostasun zabala lortu behar da". Azkenik, Estatu terrorismoko kasuak argitzeko eta torturaren eta sakabanaketaren biktimak aitortzeko eskatu du Amaiurrek.
Zentroak zatiketa eragin eta Estatuko biktimak alboratuko dituela salatu du EH Bilduk
Julen Arzuaga EH Bilduko legebiltzarkideak salatu duenez, Terrorismoaren Biktimen Oroimeneko Zentroak "memoriaren inguruko konfrontazioan" sakontzea eta "Estatuaren terrorismoak" kaltetutako horiek "marjinazioan erortzea" ekarriko du. Halaber, Eusko Jaurlaritzak ekimen hori txalotzea eta Espainiako Barne Ministerioari "alfonbra gorria" jartzea deitoratu du.
Memorialaren eraikuntzak "errelato partzial" horretan sakonduko duela iritzi dio Arzuagak. "Memoriaren borroka horretan konfrontaziorako bunker bat izango da Gasteizko zentroa", ohartarazi du.
Bestalde, euskal erakundeak Memoriaren Institutua abian jartzeko lanean ari direla azpimarratu du. Horren iritziz, "giza eskubideen, memoriaren eta elkarbizitzaren alde lan egingo zukeen erakunde bakar bat egotea zatekeen komenigarriena".
Eusko Jaurlaritzak aintzat hartu du Biktimen Oroimenerako Zentroa abian jartzea
Terrorismoaren Biktimen Oroimenerako Zentroa abian jartzea aintzatu hartu du Jonan Fernandez Eusko Jaurlaritzako Bake eta Elkarbizitzako idazkari nagusiak, "bi urtez geldirik egin ostean".
Fernandezen esanetan, Eusko Jaurlaritzak "behin eta berriz" eskatu dio Espainiako Gobernuari proiektuari heltzeko. "Dirudienez orain jarriko da martxan eta hori da garrantzitsuena", gaineratu du.
Bestalde, zentroaren kokalekuaz (Gasteiz) galdeuta, inolako eragozpenik ez dela jarriko nabarmendu du.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.