EH Bilduk 150 neurri proposatu ditu Urkulluren 'gabeziaren' aurrean
EH Bildu koalizioak 150 neurri proposatu ditu gaur, astelehena, Donostian, enplegu, osasun, burujabetza eta zerga sistema arloen gainekoak, "pobreziari, langabeziari eta Iñigo Urkulluren Jaurlaritzaren gabeziei" aurre egiteko.
Oskar Matute eta Maribi Ugarteburu EH Bilduko bozeramaleek agerraldia egin dute hiruburu gipuzkoarrean, Joseba Permach, Ikerne Badiola eta Pello Urizar kideekin batera. Salatu dute gezurretan ari direla enplegua sortzen eta ekonomia suspertzen hasi dela esatean eta, hori dela eta, "gero eta jende gutxiagok babesten du Urkulluren eredua".
Horri aurre egiteko, EH Bilduk 150 neurri biltzen dituen agiri bat aurkeztu du, hiru ardatz nagusitan egituratuta: burujabetza "lehenbailehen" aplikatzeko beharra "ahal den neurrian"; "murrizketen joerari utzi" eta harreman politiko, sozial eta ekonomikoen eredu berri bat ahalbidetzeko neurriak proposatu.
Koalizioak proposatutako neurrien artean, halaber, herri mailako garapena bultzatzea (esaterako, herrian enplegua sortzeko planak, herri mailako garapenerako agentzien mahia eratu, eta Jaurlaritzarekin hitzarmenak egitea); elikaduraren burujabetza; industria, berrikuntza (kooperatibek eta enpresa txikiek zorpetzeko aukera "malgua" izatea); politika industrial berria, non eragile sozialek eta ekonomikoek, eta sindikatuek parte hartuko luketen; denda txikiak sustatzeko neurriak eta osasun sistema publikoa "jasangarria, eragingarria, elkartasunekoa eta osoa" bermatzea jaso dute.
Gainera, "murrizketekin bukatuko duten" hezkuntza sistema berri baten alde egin du koalizioak, Etxebideko etxebizitzen esleipena -etxebizitza hutsik ez egoteko- egitea, energiarako sarbidea eskubide unibertsal bihurtzea, garraio publikoan neurriak hartzea, politika sozial berri bat garatzea, lan-harremanen euskal arlo berri bat egitea, eta sistema fiskalean ere neurriak hartzea.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.