Errepublikaren aldeko manifestazioak deitu dituzte euskal hiriburuetan

Ezker Anitza-IUk larunbatean, ekainak 7, Bilbon, Gasteizen, Donostian eta Iruñan Errepublikaren alde egingo diren manifestazioetan parte hartzeko deia egin du. Podemosek eta LABek bat egin dute ekimenarekin.

Bilbon Jesusen Bihotzetik abiatuko da mobilizazioa, 20:00etan, eta ordu berean abiatuko da Gasteizen ere, Andre Mari Zuritik. Donostian, Boulevardean hasiko da manifestazioa 19:00etan, eta Iruñan, aldiz, 18:00etan autobus geltoki zaharrean.

Adierazpen batean esan duenez, Ezker Anitzak babesa eman die manifestazioei, euren ustez, osaketa prozesu berri baten alde egiten dutelako. “Osaera berria errepublikarra izateaz gain, gizarteari kendu zaizkion eskubide sozial guztiak berreskuratzearen aldekoa izango da”.

“1978ko Konstituzioak ez du ezertarako balio jada, eta ez ditu gizabanakoen oinarrizko printzipio eta eskubide sozialak bermatzen”, adierazi du Ezker Batuaren Euskadiko adarrak.