Pere Navarrok PSCko idazkari nagusiak dimisioa eman du
Pere Navarro PSCko idazkari nagusiak dimisioa aurkeztu du, Kataluniako Alderdi Sozialistako iturriek jakinarazi dutenez.
PSCko ezohiko Kontseilu Nazionala egin baino hiru egun lehenago kargua uztea erabaki du Navarrok. Alderdiko ildo edo korronte ezberdinak bateratzea nahi zuen PSCko buruzagiak Kontseiluan.
Alderdian "aldaketa sakonak" gertatzeko dimisioa aurkeztea erabaki du Pere Navarrok. Bestalde, "publikoki" desadostasunen berri ematea aurpegiratu die Navarrok sektore kritikoei, alderdiko zuzendaritzaren organoek lortutako akordioak urratu dituztelako.
Dimisioa larunbateko Kontseilu Nazionalean gauzatuko dela azaldu du Navarrok prentsaurrekoan. PSCko zuzendaritza berriak etorkizunean izan beharreko papera erabaki beharko duela azaldu du buruzagi sozialistak.
Alderdiak behar dituen aldaketak aurrera eramateko "irtenbide onena" dela uste du Navarrok.
"Konponbiderik onena zuzendaritza berri bati lekukoa ematea da. Alderdiarentzako erabaki onena da", adierazi du. Hala ere, buruzagi gisa utzitako ondarea defendatu du Navarrok, besteak beste, erreforma federala egiteko proposamena eta hautagaiak aukeratzeko barne-hauteskunde irekiak aipatu ditu.
Kontseiluan "erabaki aproposak" kolektiboki hartzea espero du Navarrok.
Artur Mas Kataluniako presidenteak azaldu duenez, Navarrok erabakiaren berri emateko deitu dio. Masen hitzetan, ordu erdi lehenago deitzeko "urguritasuna eta ganora" izan du erabakiaren berri emateko.
Pere Navarro PSCko idazkari nagusiak dimisioa aurkeztu du. Argazkia: EFE
Emaitza txarrak
Europako hauteskundeetan emaitza kaskarrak izan eta gero heldu da Navarroren erabakia. Alfredo Perez Rubalcaba PSOEko idazkari nagusiak erabaki berdina hartu zuen.
Navarro duela ia hiru urte izendatu zuten PSCko idazkari nagusi; aurretik Terrassako (Bartzelona) alkatea izan zen hamarkada batean. Alderdiak ez ditu hauteskundeetako emaitza eskasak irauli.
Kataluniako azken hauteskundeetan emaitza txarrenak lortu zituen PSCk; 20 parlamentari eta botoen % 14 lortu zituen. Europako hauteskundeetan joera errepikatu zen.
Alderdiko sektore katalanistek Navarro gogor kritikatu dute. Kataluniako kontsultari babesik ez ematea leporatu diote. Gainera, hiri nagusietako alkateen babesa galdu du PSCko agintariak.
Pere Navarro PSCko idazkari nagusiak dimisioa aurkeztu du. Argazkia: EFE
"Estatu ereduari buruzko eztabaida abiatzeko garaia da"
Atzo, Estatu ereduari buruzko eztabaida abiatzeko garaia zela adierazi eta biharamunean dator dimisio iragarpena. Halaber, Konstiuzio berriak Katalunia "nazio" gisa aitortu behar duela nabarmendu zuen.
Atzo "XXI. mendeko Katalunia: Egin diezaiegun aurre aldaketei ausardiaz" goiburupean egindako konferentzia batean parte hartu zuen Pere Navarrok. Horren esanetan, "Monarkia itun konstituzionalaren oinarri garrantzitsua izan zen", baina hanka-sartzea da 1978ko Konstituzioa "ukiezina" dela pentsatzea, "bozkatua eta berretsia" izan zelako soilik.
Estatu ereduaz galdetuta, PSOEren sustraiak errepublikarrak direla adierazi zuen; izan ere, "monarkiak diktadura esan nahi zuen". Hala ere, ikuskera hori aldatu egin zen, hain zuzen ere, "sozialistek, komunistek, nazionalistek eta kontserbadoreek bat egin" eta monarkia demokraziaren eta egonkortasunaren berme izan zitekeela pentsatu zutenean.
"1978ko Konstituzioak heldutasun politikorik gabeko herrialde baten beharrei erantzuten zien. Bidean, etorkizunean jorratu beharreko hainbat gai alboratu egin ziren. Etorkizuna iritsi da eta horiei heltzeko unea heldu da", ohartarazi zuen Pere Navarrok. Hori dela eta, "ezinbestekoa da alderdi politiko nagusiek eta alderdi berriek zilegitasuna berreskuratzeko elkarlanean lan egitea. Horretarako, elkarrizketa eta lasaitasuna proposatu zituen.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.