Gironako PSCko zuzendaritzako 10 kidek dimisioa aurkeztu dute
PSC-ko Gironako zuzendaritzako 10 kidek dimisioa aurkeztu dute Pere Navarrok gidatzen duen alderdiarekin dituzten ezadostasunen ondorioz. Bere kargua utzi dutenen artean Joaquim Nadal politikari historikoa aurkitzen da.
Honen ondorioz Gironako sozialistek bi hilabeteren buruan kongresu berri bat antolatu beharko dute.
Dimisioa aurkeztu dutenen artean Gironako Udaletxean eta Diputazioan alderdiaren bozeramailea den Pia Bosch aurkitzen da.
Hasiera batean argitaratu den zerrendan azaltzen ez bazen ere Manel Nadal, Joaquim Nadalen anaia, ere aurkitzen da bere postua utzi dutenen artean. Honek, igandean aurkeztu zion bere dimisioa Gironako PSC-ko idazkariari, Juli Fernández.
Aldez aurretik bere postuari uko egin zioten beste bederatzi kideri batzen zaizkie dimisio berri hauek eta guztira 18 kidek, 33tik, utzi dute Gironako zuzendaritza. PSCren krisia sakondu du honek.
Pia Boschen esanetan 'Gironako PSC-ren eskualdeko bahiketa' gauzatu da eta horrek eragin du 'taldeko dimisioa'. 'Azken urte eta erdian gauzatu diren gainontzeko dimisioei batzen zaizkie', gaineratu du.
Boschek 'alderdiko erabakiak azkeneko kongresuan erabakitako pluraltasunari bizkarra emanda' hartzen direla esan du. 'Pertsona gutxi batzuk, horietako zenbait aukeratuak izan ez zirenak' dira erabakiak hartzen dituztenak.
'Elkarrizketa ezinezkoa izan da' eta 'gelditzen direnen gainean dago orain erantzunkizuna' azaldu du. Dimisioak Kataluniak bere etorkizunaz erabakitzeko irekita duen prozesuak sortutako eztabaidak bakarrik ez dituela eragin gaineratu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.