Lanbide Heziketako azterketak ez ziren filtratu, Uriarteren ustez
Cristina Uriarte Eusko Jaurlaritzako Hezkuntza sailburuak azaldu du iragan maiatzean ez zela filtraziorik izan eta Gipuzkoako Lanbide Heziketako goi-mailara sartzeko azterketen "zainketa-kateak" ez zuela porrot egin. Azkenean, hainbat ikaslek salatu egin zuten.
Eusko Legebiltzarreko batzordean izan da Uriarte, Lanbide Heziketako goi-mailara sartzeko maiatzaren 8ko azterketen emaitzei eusteko erabakiari buruz hitz egiteko. Sailburuaren hitzetan, ez dute filtraziorik izan zela erakusten duen frogarik aurkitu. Halere, Hezkuntza Sailak beste azterketa bat egitea erabaki zuen, ekainaren 5ean.
Bi ikaslek Gipuzkoako Lanbide Heziketara sartzeko azterketak filtratu zituztela salatu zuten azterketa egin baino ordubete lehenago, sare sozialen bitartez. Bi ikasleek azterketen argazkiak aurkeztu zituzten, baina ezin izan zuten "frogatu" azterketa egin aurretik edo egiten ari zirenean atera zituzten. Hezkuntza Saila "zorroztasun eta arintasun handiz" aritu zela azaldu du Cristina Uriartek. Azterketa ez omen zuten errepikatu, eta, "zalantza zegoenez", ezohiko deialdi bat egin zuten.
Sailburuak adierazi du azken selektibitate-azterketan ere filtrazio salaketak izan direla, ustez sakelako mugikorren bidez ateratako argazki batzuen harian, baina ziur daude faltsuak direla.
Jorge Arevalo Lanbide Heziketako sailburuordeak azaldu du Sailean oso larrituta daudela "pikareska" gero eta gehiago erabiltzen delako, azterketen argazkiak sakelako mugikorren bidez eginez.
Kasu honetan, argazkiak 14:55ean atera omen zituzten (azterketa 16:00etarako zegoen deituta), baina "whatsapp zerbitzua manipulatu" egin daitekeela esan du. Horrela, aztertzaileek baieztatu dute ez zela filtraziorik egon azterketa egin aurretik.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.