PSOEren berrikuntza prozesuaren egutegia
Europako Hauteskundeetan jasotako porrotaren ostean PSOEk abiatutako berrikuntza prozesuak aurrera jarraitzen du eta dagoeneko baieztatu dira Alfredo Perez Rubalcaba ordezkatzeko hautagaiak: Pedro Sanchez, Eduardo Madina eta Jose Antonio Perez Tapias.
Madinak hautagai bakoitzak lurraldez lurralde lortutako botoak publiko egitea eskatu zuen, eta Sanchezek eta Tapiasek bat egin zuten eskaera horrekin. Bada, PSOEren Bermerako Batzordeak aipatu datuak ezagutarazi ditu eta emaitzak argigarriak dira.
Pedro Sanchezek Estatuko 12 autonomia erkidegotan irabazi du; guztira, 41.338 boto eskuratu ditu, gehienak Andaluzian. Eduardo Madinak bost autonomiatan gailendu da eta guztira 25.238 boto lortu ditu, baina, espero ez bezala, euskal autonomia erkidegoan galdu egin du, Sanchezen mesedetan.
Jose Antonio Perez Tapiasek, berriz, 9.912 boto erdietsi ditu.
Erkidegoz erkidego, Andaluziak Pedro Sanchez eta Kataluniak Eduardo Madina babestu dituztela esan daiteke.
EAEn, baina, ezustekoa izan da: Sanchezek 1.088 boto eskuratu ditu eta Madinak 934. Gipuzkoan, Sanchezek (714) irabazi dio Madinari (143). Bizkaian, 655 boto lortu ditu Madinak eta 260 Sanchezek; eta Araban, 136 eta 114, hurrenez hurren.
Bestalde, PSOEren Bermerako Batzordeak emandako datuen arabera, Madinak eta Tapiasek 17na boto eskuratu dituzte Estatutik kanpo; Sanchezek, ostera, 14.
Gazte Sozialistek, berriz, Sanchez 785 botorekin babestu dute; Madina 599ekin; eta Tapias 263rekin.
Prozesuaren egutegia
Beharrezkoak ziren botoak lortuta, Pedro Sanchez, Eduardo Madina eta Jose Antonio Perez Tapias PSOEren idazkari nagusi izateko behin-behineko hautagaiak dira.
Hautagaitzak zehaztuta, balizko helegiteak edo zuzenketak aurkezteko epea irekita dago. Uztailaren 2an aipatu hautagaitzak behin betikoak izango dira, dena ondo bidean.
Kanpaina uztailaren 3an hasiko da eta 12an amaitu.
Uztailaren 13an egingo dute Alfredo Perez Rubalcabaren ordezkoa aukeratzeko galdeketa 197.468 militante sozialisten artean. Erabakia ez da loteslea izango, baina afiliatuek erabakitzen dutena delegatuek berretsi egingo dutela ziurtzat ematen da.
Uztailaren 19an galdeketaren behin betiko emaitzak publiko egingo dituzte, eta Lurralde Kongresuak bilera egingo du PSOEren Ezohiko Kongresu Federalean parte hartuko duten ordezkariak aukeratzeko.
Militantziaren nahia ezagututa, uztailaren 26an eta 27an egingo dute PSOEren Ezohiko Kongresu Federala.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.