Etxeratek espetxe-politika aldatzea eskatu du euskal hondartzetan
Etxerat presoen senideen elkarteak zenbait mobilizazio egin ditu Bizkaiko, Gipuzkoako eta Ipar Euskal Herriko 12 hondartzatan, preso dauden senideen egoera salatzeko eta sakabanaketaren espetxe-politika aldatzea eskatzeko.
Donostian egindako elkarretaratzearen kasuan, Kontxako hondartza zeharkatu dute "Euskal preso, iheslari eta deportatu politikoak etxean nahi ditugu" zioen pankarta bat eskuan zutela.
Halaber, mobilizazioak, Gipuzkoan Deba eta Orioko hondartzetan; Ipar Euskal Herrian, Donibane Lohizune eta Hendaian; eta Bizkaian, Ea, Bakio, Lekeitio, Muskiz, Plentzia, Mundaka eta Ondarroako hondartzetan egin dituzte.
Garazi Alegria eta Agustin Rodriguez Etxerateko kideek irakurritako komunikatu batean esan dutenez, uztail eta abuztua "hondartzarako eta eguzkitan egoteko" hilabeteak diren bitartean, presoen senideentzat "errepidearen eta bidaia luzeen" sinonimo izaten jarraitzen dute, eta senideen eskubideak "urratzen jarraitzen" dute garai horretan.
Horrela, nabarmendu dutenaren arabera, "sakabanaketak jarraitzen du, bizi arteko zigorra (40 urteko espetxealdia) aplikatzen jarraitzen dute, oso larri eta senda ezinezko gaixotasunak dituzten presoak kartzelan dituzte oraindik, eta senideen kontrako kontrolak eta jazarpena ere egiten dituzte". "Sakabanaketa bukatzeko ordua da", aldarrikatu dute.
Oraingo espetxe politikak indarrean daramatzan 25 urteotan "16 heriotza izan dira", eta auto-istripuek jarraitzen dute, "25 egunean behin, batezbesteko odoltsuarekin". Presoen egoera eta senideena eurena ere kaskartzen ari dela esan dute. "Presoen kopuruaren beherakada albiste ona den bitartean, gero eta urrunago daudela nabarmendu behar da", gogoratu dutenez.
Zure interesekoa izan daiteke
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.