Gobernuak kontsulta ekiditeko dena prest duela esan du Rajoyk
Mariano Rajoy Gobernuko presidenteak astelehen honetan, PPko buruzagien aurrean, esan duenez, Gobernuak hartu beharreko neurri guztiak prest ditu Kataluniako kontsulta ekiditeko. Erreferenduma legearen aurkako izateagatik ez dela egingo nabarmendu du.
Rajoy popularren Batzode Exekutibo Nazionaleko buru izan da astelehen honetan, eta katalanen kontsultaren aurrean betiko jarrera berbera erakutsi du. Halaber, elkarrizketarako prest dagoela nabarmendu du, betiere ere legezkotasunaren barruan dauden gaiei buruz aritzeko bada.
Artur Mas Generalitateko presidenteak “seinalatutako bidean jarraitzen bada, hartu beharreko erabaki guztiak prest daude”, adierazi du Carlos Floriano Antolakuntza idazkariordeak, prentsaurrekoan, Rajoyren mezua Batzordearen aurrean aurkeztu duenean.
Rajoyk ez du zehaztu zeintzuk diren erabaki horiek, baina Florianok eta Alicia Sanchez-Machado Kataluniako PPko presidenteak azaldu dituzte.
Konstituzionaltasunaren aurkako helegiteak “dagoeneko prest daude”, esan du Florianok, Gobernuak kontsulta-legearen eta kontsulta-deialdiaren (eraginkorra izatera iristen bada) aurka aurkeztea pentsatzen duena.
"Demokraziarako errespetua" neurrien artean izatea espero du Kataluniako Gobernuak
Bestalde, Francesc Homs Kataluniako Presidentetzarako kontseilariak esan du ez dituela Gobernuko presidenteak prestatuta dituen neurriak ezagutzen, baina horien artean “demokraziarako errespetua” eta “bozkatu ahal izatea” egotea espero duela espero du.
Masen zalantzak
"Inork onartzen ez baldin badu" Katalunia burujabe batek zertarako balioko luke galdetu dio bere buruari Artur Masek. Generalitateko presidentearen hitzetan, prozesua "ezin daiteke edozelan egin". "Ez da testosteronaren borroka bat, neuronena baizik", erantsi du.
El Temps astekariak elkarrizketa bat argitaratu du gaur, Diadarako hiru egun falta direnean. Masek bere buruari galdetzen dio: "Katalunia Estatu independentea izatea zertarako balioko luke inork onartzen ez baldin badu? Burujabe izango ginateke, baina aintzat hartu gabe? Guztia lotuta dago".
Prozesua "ezin daiteke edonola egin", adierazi du Masek. "Kataluniak, era honetako prozesuak, ia beti gaizki egin ditu. Noizbait barregarri ibili gara", gaineratu du.
"Borroka handienak nork dituen argitzeko baldin bada, esaldi matxista barkatu, baina beti bezala galduta gaude. Ez da testosterona borroka bat. Neuronen eta emozioen borroka bat da. Horrela ulertzen ez baldin badugu kale egingo dugu", esan du Masek.
Zure interesekoa izan daiteke
Poliziaren torturaren zazpi biktimak ekimen judizial bateratu bat abiatu dute, Espainiako Justiziari eskatzeko haien kasuak ikertu ditzala
Espainiako Estatua zazpi kasu horiek ez ikertzeagatik zigortu zuen Estrasburgoko Giza Eskubideen Europako Auzitegiak. Horietako bat Martxelo Otamendi da, Egunkariaren auzian atxilotu zuten, eta torturak salatu zituen kazetariak.
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn, Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.