EH Bildu: 'Sakabanaketaren amaierak helburu politikoa izan behar du'
Sakabanaketaren bukaera "helburu politiko" gisa izateko eskatu diete Maribi Ugarteburu eta Oskar Matute EH Bilduren legebiltzarkideek alderdi politikoei. Legebiltzarkideen esanetan, Jone Artola Etxerateko bozeramaileak izandako istripuaren erantzukizuna "beraien estrategia politikoaren zerbitzura sakabanaketa tresna bezala erabiltzen dutenek" dute.
Basurtuko Ospitalearen ateetan egin dituzte adierazpenak Ugarteburuk eta Matutek, Artola bisitatzera joan direnean. Besteak beste, Aitziber Ibaibarriaga zinegotzia eta Niko Moreno Sortuko ordezkaria izan dira bertan.
Igandeko istripua gertakari "larria" dela esan du Matutek. Artola eta Etxerateko bozeramailearen bi senitarteko zauritu ziren auto istripu batean, Tuteran (Nafarroa), Castellora Ugaitz Perez presoa bisitatzera joan eta gero, etxerako bidean.
"Arduradun argiak"
Matuteren ahotan, istripuak "arduradun argiak" ditu, horren arduradunak "sakabanaketa bultzatzen eta babesten dutenak" dira. "Beraien estrategia politikoaren zerbitzura sakabanaketa tresna bezala erabiltzen dutenek dute horren ardura", erantsi du.
Tuterako ezbeharraren irudia. Argazkia: Nafarroako Gobernua
Bestalde, Bilboko EAJren eta EH Bilduren udal taldeek ahalik eta lasterren sendatzea opa diote Artolari. Gainera, "euskal preso guztiak" Euskal Herriko kartzeletara hurbiltzea eskatu diote Espetxe Zuzendaritzari.
Etxerateko ordezkariek eta presoen senitartekoek agerraldia egitea onartu du Gipuzkoako Batzar Nagusietako Giza Eskubideen Batzordeak, sakabanaketa eta espetxe politika aztertzeko.
Azkenik, istripuak "sakabanaketarekin bukatu" behar dela erakusten duela esan du Sare plataformak. Orain arte izandako istripuetan presoen 16 senitarteko hil direla gogorarazi du plataformak.
Zure interesekoa izan daiteke
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.