Rajoyk astelehenean onartuko du kontsultaren aurkako helegitea
Espainiako Gobernua astelehenean batzartuko da Kataluniako kontsulta independentistaren aurkako helegitea onartzeko, Mariano Rajoy gobernuburuak baieztatu duenez.
Hori horrela, Artur Mas Kataluniako Generalitateko presidenteak erreferenduma deitzeko dekretua sinatu eta bi egunera onartuko du helegitea Espainiako Gobernuak. Txinan egiten ari den bidaia ofizialean egin du iragarpena Rajoyk.
Bihar bertan, Masek dekretua sinatu ondoren, Rajoyk txosten bat eskatuko dio Estatu Kontseiluari, eta astelehenean Ministroen Kontseilua bilduko du.
Gobernu bilera igandera aurreratzeko premiarik ez dagoela esan du Rajoyk. Bere hitzetan, Masek ondo baino hobeto daki Espainiako Gobernuak zer neurri hartuko dituen, Rajoyk berak hasieratik gauzak garbi utzi baitizkio. Jakinaren gainean egonda, kontsulta egiteko asmoa aurrera eramatea ez dela zuzena esan du Espainiako presidenteak.
Txinako bi esaera-zahar erabili ditu Masi mezu zuzena helarazteko: "Ondoen itxitako atea zabalik utz daitekeena da", eta "Hobe da atzera egiten jakitea, bidean galtzea baino".
"Inork ezin du legea urratu eta herri baten subiranotasuna suntsitu. Hori ezin da, ez orain eta ez inoiz", gaineratu du.
Masek iazko abenduan galdeketa deituko zuela iragarri zuenetik, Rajoyk bere jarrera argi erakutsi duela eta jarrera horri eutsiko diola nabarmendu du; loturak eta mugak hautsiko dituen ekinbiderik ez dutela ametituko esan du.
Legea betetzea da aukera bakarra, Rajoyren esanetan. Eta Kataluniako gizarteak ere mendeetako loturaren alde egingo duela uste du.
Albiste gehiago politika
Auzitegi Konstituzionalak Amnistia Legea babestuko du gaur
Eguerdian bozkatuko duten testuak — PPren helegiteari erantzuna emateko—, Espainiako Konstituzioan amnistiak tokia baduela dio, eta Amnistia Legea ez dela "arbitrarioa", ezta "kapritxo" bat ere.
Albiste izango da: Amnistia Legearen bozketa, NATOren berrarmatzea eta bero-bolada larunbatetik aurrera
Gaurkoan albiste izango direnen laburpena, bi hitzetan.
Martinezek ostiralean Osasun Ituna onartzeko adostasuna lortzea espero du
Bestalde, Radio Euskadiko 'Ganbara' saioan egindako elkarrizketan, Osasun sailburuak iragarri du Mahai Sektorialean lan eskaintza publiko eredu berri bat onartu berri dutela, Medikuen Sindikatuak eta SATSEk babestuta, eta, horri esker, 4.200 lanpostu eskaini izango dituztela urte amaieran.
Belarrak NATOtik ateratzeko eskatu du
Ione Belarra Podemosen idazkari nagusiak uste du Pedro Sanchezek "Azoreetako argazkia" egingo duela asteazken honetan Donald Trump AEBko presidentearekin eta Ursula von der Leyen Europako Batzordearen presidentearekin, NATOk Defentsarako gastua handitzeko egin duen goi-bileran. Maria Jesus Montero Espainiako Ogasun ministroak Gobernuaren aurkako "jarrera kritikoa" aurpegiratu dio.
Liskarra Kongresuan, Monterori gezurti deitu ostean: "PPko diputatuak, jabetzen al zarete zer irudi helarazten diezuen herritarrei?”
Diputatuen Kongresuko Osoko Bilkurak tentsio handiko unea bizi izan du asteazken honetan, Maria Jesus Monterok hitz egin ostean, PPren diputatu batek "gezurti "deitu baitio. Gertakariaren ondorioz, Kongresuko presidenteak saioa eten behar izan du une batez, eta parlamentari popularrei jarrera aldatzeko galdegin die.
Bi ekimen martxan, Txomin Letamendiren aitortza instituzional eta judiziala lortzeko
Alde batetik, 1950ean torturatuta hil zuten EAJko militantearen familiak Eusko Jaurlaritzari eskatu dio izaera instituzionaleko biktima gisa aitortzeko. Bestetik, borondatezko jurisdikzioaren bideari ekin diote.
UCOren arabera, Cerdanek Servinabarren % 45 erosi zuen 6.000 euroren truke
Salerosketa kontratua 2016ko ekainaren 1ekoa da, eta Antxon Alonsok zituen 3.000 partaidetzetatik 1.350 erosi zituen Santos Cerdanek, bakoitzak euro bateko balioarekin. Guardia Zibilaren UCOk gaur bidali dio agiria Gorenari.
PSOE eta bere bazkideek onartu egin dute 78ko sanferminetako gertakariak desklasifikatzeko EH Bilduk egindako eskaera
PPk eta Voxek PSOEri leporatu diote EH Bildu "zuritzeko" operazioa egitea. Ekimenaren bozketa ostegunean egingo da.
Osasun Ituna ixteko “presarik ez izatea” eta “benetako eztabaida egitea” eskatu du EH Bilduk
Pello Otxandianok adierazi du ituna ezin dela "bozketa orokor batekin amaitu". Horrez gainera, EH Bilduk zuzenketa bat egin duela eman du ezagutzera, osasun sistema publikoarekin "konpromiso argia eta zalantzarik gabea".
Pradalesek Aznarri erantzun dio: "Oso harro nago nire abizen eta sustraiez"
Jose Maria Aznar Espainiako Gobernuko presidente ohiak Pradales lehendakariaren aurka egin zuen, lehendakari autonomikoen konferentzian euskaraz hitz egiteagatik.