Etorkin irregularrei oinarrizko errenta ukatzea eskatu du PPk
Javier Maroto (PP) Gasteizko alkatea Diru-sarrerak Bermatzeko Errenta (DBE), oinarrizko premiei aurre egiteko diru-sarrerak ez dituztenei zuzendutako laguntzak, berriro arautzeko premia dagoela uste du. Hori dela eta, diru-laguntza horiek erregulatzeko zazpi proposamen eramango ditu Marotok berak Eusko Legebiltzarrera. Bere hitzetan, "gehiegikeriak ezabatzeko ordua da, legea aldatzeko garaia da".
Proposamenenetako bat etorkin ilegalei oinarrizko diru-laguntzak ukatzea da. Halaber, Gizarte Segurantzan inoiz kotizatu ez duten pertsonei ere, etorkinak nahiz bertakoak, diru-laguntza horiek ez ematea proposatu du Marotok. "Sekula lan egin ez duten legez kanpokoak daude diru-laguntza horietatik bizitzen. Ez dute lan kontraturik izenpetu nahi, eta bizitza osoan kotizatu dutenek baino gehiago jasotzen dute", adierazi du.
Diru-laguntza eskuratzeko 10 urteko errolda eskatzea ere jaso du bere egitasmoan Alderdi Popularrak. "Ortutxo bat duen gizonari ukatu egiten zaizkio laguntzak, eta gaztelaniaz jakin ere ez dakienari eman", esan du Gasteizko alkateak.
Magrebtarren inguruan esan zituenak Fiskaltzan dauden arren, damurik ez du erakutsi Marotok. Esanak berretsi ditu. Diru-laguntzen arazoa hor dagoela eta ezin direla begiak itxi esan du PPko alkateak.
Aburto: "PPk eskubideak murriztu nahi ditu"
Bestalde, Juan Maria Aburto Enplegu eta Gizarte gaietarako sailburuak esan du Alderdi Popularrak egindako proposamenak ez duela iruzurrari aurre egitea bilatzen: “ongizate estatuaren haustura nahi dute”, kritikatu du.
PPk egindako proposamen guztien helburua “eskubideak murriztea” dela salatu du Aburtok. “Hauteskundeetan etekinak lortzeko asmoz egindako egitasmoak dira”, erantsi du.
“Iruzurraren kontrako borroka lege-aldaketekin nahastuta, gizartea manipulatu, engainatu egin nahi dute”, nabarmendu du.
Albiste gehiago politika
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.