Jaurlaritza eta Ipar Irlanda elkarlanean, bizikidetza proiektuetan
Iñigo Urkullu lehendakariak aitortu du Euskal Herriko eta Ipar Irlandako errealitateak "oso desberdinak" direla, baina elkarrekin lan egin dezaketela esperientziak trukatzen bakea eta elkarbizitza egonkortzeko, "batere erraza ez den" lan horretarako.
Urkullu eta Jonan Fernandez Bake eta Bizikidetza idazkariak bilera egin dute bakegintzan adituak diren Ipar Irlandako ordezkari batzuekin, Lehendakaritzan.
Bilera horretan izan dira, era berean, Europar Batasuneko Egitasmo Berezien Kudeaketarako Erakundeko kideak ere, eta Euskal Herriak eta Ipar Irlandak bake eta bizikidetzan egin dezaketen elkarlanerako bideak aztertu dituzte. Litekeena da neurri horiek Europar Batasunaren 'Peace Programme' egitasmoan bideratzea, gatazkak konpontzeko eta elkarbizitza sustatzeko ekimenetarako finantziazioa eskaintzen baitu.
Jaurlaritzaren buruak gogora ekarri duenez, atzo hiru urte bete ziren ETAk jarduera armatua uztea erabaki zuenetik, eta horrek "aukera historikoa" ireki du, aprobetxatu beharrekoa.
Hori horrela, eta Jaurlaritzaren lehenengo helburua krisia gainditzea eta enplegua sortzea bada ere, lehentasunen artean kokatu ditu bakea egonkortzea, elkarbizitza, eta estatus politiko bat "adostea".
Lehendakariak aitortu du bake eta elkarbizitzarena ez dela lan "erraza", baina urratsak egiteko moduan ikusten da. Horretarako, bere "iparra" eta "erreferentzia" EBko erakundeek sustatutako politiketan omen dago, baita presoen eta biktimen kasuan ere.
Urkulluk azaldu duenez, Jaurlaritzak eta Ipar Irlandako adituek elkarlanean aritzeko asmoa dute, eta proiektua 'Peace Programme'ren baitan kokatu nahi dute. "Esperientziak trukatu nahi ditugu", adierazi du, Euskal Herrira etorri diren Ipar Irlandako ordezkariei erreferentzia eginez.
Lehendakariak azpimarratu du bi kasuetan bakea eta elkarbizitza Europa eta garai berean eraiki nahi dituztela. Horregatik, elkarlanak "fruituak" emango dituela espero du.
Pat Colgan Europar Batasuneko Egitasmo Berezien Kudeaketarako Erakundeko zuzendariak "ilusioa" agertu du gaurko lehen hartu-emana dela eta.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.