EH Bildu murrizketarik gabeko aurrekontuak onartzeko prest agertu da
EH Bildu Eusko Jaurlaritzarekin murrizketarik gabeko aurrekontuak onartzeko prest agertu da, eta, EAJrekin akordioak bilatzeko, elkarrizketarako borondatea duela berretsi du.
Eusko Legebiltzarrean egindako prentsaurrekoan, Oskar Matute, Leire Pinedo eta Unai Urruzuno EH Bilduko legebiltzarkideek atzo Eusko Jaurlaritzaren Kontseiluak onartutako 2015erako aurrekontu proiektua izan dute hizpide. 10.639 milioi euroko aurrekontu proiektua onartu du Eusko Jaurlaritzak 2015erako, aurrekoa baino 423,5 milioi gehiago.
Aurrekontu proiektua "osorik" ezagutzen ez badute ere, murrizketak jasotzen dituela salatu dute, eta horrek gizartea "Hezkuntzan, Osasunean eta Gizarte Babesean murrizketak pairatzera" zigortu duela.
EH Bilduren iritziz, aurrekontu "kontinuistak" dira, eta "egungo aurrekontu eskemak gainditzeko" ausardia eta adore falta izatea egotzi dio Jaurlaritzari. "Aurrekontu proiektu horrek ez die hazten ari diren desberdintasunei irtenbidea ematen; Osakidetzan eta Hezkuntzan lanpostuak galduko dira, zerbitzua debaluatuz, eta gizarte-larrialdietarako laguntzak urriak izango dira eta kontziliaziorako laguntzak galdu egingo dira", salatu du.
10.639 milioi euroko aurrekontu proposamenak "ez ditu euskal gizartearen zailtasunak konpontzen", EH Bilduren arabera. Horren aurrean, akordioa lortzen saiatzeko proposamen "argia" eramateko konpromisoa agertu du. "Gure gustukoa ez bada ere, akordioetara heltzeko eta murrizketarik gabeko jarrerari eusten diogu", gaineratu dute EH Bilduko legebiltzarkideek.
Ildo horretan, koalizioak diru hori "beste modu batera" kudeatu daitekeela uste du, kohesio sozialerako beharrezko guneak bermatzeko, eta lehentasunak ezartzeko eztabaida irekitzea proposatu du. "Lehentasunak argi eta garbi zehaztea faltan botatzen dugu. Murrizketarik gabeko aurrekontuak nahi ditugu, eta gure esku dagoen guztia egingo du akordioa erdiesteko eta murrizketarik gabeko aurrekontuak lortzeko", nabarmendu du.
Bestalde, Eusko Jaurlaritzarekin aurrekontuen inguruan hitz egiteko ordezkari talde bat eratu du EH Bilduk. Oskar Matutek, Leire Pinedok, Dani Maeztuk eta Unai Urruzunok osatuko dute. Dena den, negoziazio "zailak" izango direla iragarri dute, Eusko Jaurlaritzaren proposamena EH Bilduren "helburuetatik urrun dagoelako".
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.