Aralarren VI. Kongresuak ez du onartu Txentxo Jimenezen zuzenketa
Aralarren VI. Kongresuak ez du onartu Txentxo Jimenezek gidatutako taldeak txostenaren kontra aurkeztu zuen osoko zuzenketa. Rodriguezen ustez, alderdiaren estatutuak aldatzeak erabakitzeko gaitasuna murrizkuko zukeen Nafarroan.
Patxi Zabaleta Aralarreko idazkari nagusiak, berriz, alderdiak EH Bildurekin “bat egiteko” bideari ekin behar diola uste du, eta ukatu egin du alderdian zatiketarik egotea.
Alderdi abertzalea VI. Kongresuaren lehenengo jardunaldia egiten ari da Bilboko Itsas Museoan, eta, egunean zehar, militanteek txosten politikoen eta estatutuen aurrean aurkeztutako zuzenketak eztabaidatuko dituzte. Ondoren, azaroaren 15ean, alderdiak Iruñean egingo du bigarren jardunaldia, eta bertan bi txostenen gaineko bozketa egingo dute militanteek, eta alderdiaren zuzendaritza berria osatuko da.
Estatutuen txostenaren aurka aurkeztutako zuzenketa bakarra hamar militantek aurkeztu dute, Txentxo Jimenez parlamentari nafarrak gidatuta. Goizean, zuzenketa eztabaidagai izan dute Kongresuan, eta botoen % 13,88 alde, % 65,74 kontra eta % 20,37ko abstentzioa izan da bozketan. Txostenean 30 zuzenketa egin dituzte, horiek guztiak partzialak.
Atsedenaldi batean egindako adierazpenetan Zabaletak zehaztu duenez, “Aralar garai berrietara egokitzeko moduaz” eta “etorkizuneko ezker abertzale zibil eta anitzari egingo dion ekarpenaz” eztabaidatu dute. Zabaletaren esanetan, alderdia garai berrietako erronkei egokitu behar da.
Txosten politikoaren aurrean, zortzi zuzenketa aurkeztu dira, “bat ere ez da osoa izan”, eta egun osoan zehar horien gainean eztabaidatuko dute.
Aralarreko koordinatzaile nagusiak baztertu egin du osoko zuzenketak (atzera bota dutena) “haustura” ekar dezakeenik alderdira.
“Aralarren eztabaida modu baketsuan eta demokratikoan egiten ari gara, Kongresuan parte hartu dugun militante guztiak maila berean gaude, garrantziari dagokionez. Errespetatzeko modukoa da edozein militantek aurkeztutako zuzenketa”, adierazi du.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.