EAEko 10 herritarretik 6k independentziari buruzko kontsulta nahi dute
EAEko 10 herritarretik 6k independentziari buruzko kontsulta egitea nahi dute, EHUk egindako azken Euskobarometroaren arabera. Balizko galdeketa horretan, gainera, 'baietza' (% 35) eta 'ezetza' (% 34) pareko geratuko lirateke.
Francisco Llera Soziologian katedradunak Bilbon aurkeztu du EHUk sei hilabetean behin egiten duen ikerketa. Urriaren 27tik azaroaren 14ra telefonoz egindako 600 elkarrizketa baliatu dituzte barometroa egiteko.
Kataluniako prozesua eta Eskoziako erreferenduma aitzakia hartuta, Euskal Autonomia Erkidegoan (EAE) tankerako galdeketa bat egitearen aukeraz itaundu diete herritarrei. Hain justu, hautu horren alde ageri direnen kopuruak gora egin du, iazko Euskobarometroan baino zortzi puntu gehiago erdietsita (hots, herritarren % 62). Galdetutakoen % 26 erreferendumaren kontrakoak dira. Balizko galdeketa horretan, % 35ek alde bozkatuko lukete, % 34k, kontra, eta boto zuria emango lukete % 15ek; galdetutakoen % 12k ez dakite zer egingo luketen.
Dena dela, erreferenduma egitearen aldeko gehiengo hori nabarmen (20 puntu, % 45eraino) jaitsiko litzateke Nafarroa galdeketa horretatik kanpo geratuko balitz.
Independentziaren aldekoen kopurua % 28 murriztuko litzateke balizko independentziak Europar Batasunetik ateratzea eragingo balu eta Espainiako merkatuan garrantzia galtzea ekarriko balu.
Bake-prozesuari buruz galdetuta, damua eta armak uzteko erabakia agertzen duten ETAko presoek onurak merezi dituztela uste dute herritarren % 38k; %32ren aburuz, ordea, odol-deliturik ez duten horiei bakarrik ezarri ahal zaizkie. Gutxiengo baten arabera (% 23), presoek osorik bete behar dituzte zigorrak.
ETA-Espainiako Gobernuaren negoziazioaren gaia ere mahai gainean izan da Euskobarometro honetan. Hain justu, elkarrizketa horren aldekoa da gehiengo zabal bat (% 83). Galdetutakoen erdiak baldintzarik gabeko negoziazio baten alde daude, eta heren batek ETAk aurrena armak uztea jarri du baldintzatzat (azken hau defendatzen dutenen kopurua 12 puntu jaitsi da azken urtean).
Politikarien balorazioa
Politikariak baloratzeko orduan, bakar batek gainditu du herritarren azterketa: Pablo Iglesias Podemoseko idazkari nagusiak (5,6ko nota jaso du). Ondoren, Iñigo Urkullu (4,6), Arnaldo Otegi (4), Pedro Sanchez (3,1), Rosa Diez (2,6) eta Mariano Rajoy (0,9) ageri dira.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.