EAEko PP eta PSOE: Felipe VI.ak irmo hitz egin zuen ustelkeriaz
EAEko PPk eta PSOEk adierazi dute FelipeVI Espainiako erregeak "irmo" hitz egin zuela, Gabon Gauean, ustelkeriaren aurka. EAEko PPk esan du erregeak herritarren haserrea islatu zuela, eta PSOEk nabarmendu du bere iritziz deskribapen zuzena egin zuela Espainiaren arazoez hitz egitean. UPyDko Gorka Maneirok, bere aldetik, azpimarratu du diskurtsoa "egokia" izan zela, baina sendotasuna falta izan zitzaiola.
EAEko PP: "Diskurtsoa erabat argia eta sendoa izan zen"
Laura Garrido EAEko PPren bozeramaileak nabarmendu du Felipe VI.aren mezua "oso irmoa eta sendoa" izan zela ustelkeriaren aurka. Halaber, Felipe VI.ak herritarren haserrea ondo bereganatu duela, "bultzada moral kolektiboa behar dugula esanez”", eta ustelkeriaren aurkako borroka helburu utziezina dela aipatuz.
Ildo horretan, gogorarazi du erregeak esan zuela legez kontrako jarreren arduradunak justiziaren aurrean ari direla erantzuten, "eskubideko Estatua funtzionatzen ari dela frogatzen duena". Garridok esan du diskurtsoa "hurbila, osoa, errealista eta itxaropentsua" izan zela: "Herritarren arazoak eta aurrean gizarte moduan ditugun erronkak ezagutzen dituela erakutsi zuen".
PSOE: "Oso irmoa eta determinatzailea izan zen"
PSOEk azpimarratu du Felipe VI.a oso "irmoa" eta "determinatzailea" izan zela, diskurtsoan, ustelkeriaren aurka. Gainera, nabarmendu du garrantzitsua izan zela ongizate estatua bermatzea, kohesio sozialerako elementu bezala.
Prentsaurrekoan, Antonio Hernando Kongresuko Talde Sozialistaren bozeramaileak baloratu du erregeak zuzen deskribatu zituela Espainaren arazoak: "Politiko-erakundeena, ekonomiko-soziala eta lurraldekoa".
UPyD: "Egokia eta zuzena; baliteke sendotasun apur baten faltan egon izana"
Gorka Maneiro UPyDren Legebiltzarreko bozeramaileak, bitartean, esan du Felipe VI.aren lehen diskurtsoa "egokia eta zuzena" izan zela; "baliteke sendotasun apur baten faltan egon izana, eta kontu batzuetan zehaztasun gehiago behar izatea", adierazi du.
Maneirok, Donostian egindako adierazpenetan, esan du erregea "ondo egon zela, hurbil", eta herritarrei interesatzen zaizkien gaien gainean hitz egin zuela: "Birsorkuntza demokratikoa, langabezia, krisi ekonomikoa eta Kataluniaren independentziaren mehatxua".
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.