Fiskalak delitu zantzuak topatu ditu PP, PSOE, EAJ eta EAren kontuetan
Olayo Gonzalez Soler Espainiako Kontu Auzitegiko fiskalburuak delitu larriak atzeman ditu alderdi handien kontuetan. PP, PSOE, CDC, Unio, EAJ eta EA aipatu ditu, zehazki.
El Pais egunkariak jakinarazi duenez, fiskalak "delitu penal larriak" egotzi dizkie alderdioi, hala nola "zorrak legez kanpo barkatzea, kontuetan diru-sarrerak eta gastuak ez jasotzea, fundazio ezezagunei mailegu arraroak ematea eta legez kanpoko dohaintzak jasotzea". Ikerketa 2012 urteko kontuekin egin dute.
Prisa taldeko kazetaren esanetan, atariko txostena "oso gogorra" da. "Fiskaltzatik ez dute gogoratzen txosten gogorragorik", gaineratu du.
CDC, Artur Mas Kataluniako Generalitateko presidentearen alderdia, txostenean gehien aipatuetako bat da. Besteak beste, Uniori 9,5 milioi euroko zor bat barkatu ziola zehaztu du fiskalak.
Era berean, PPk ez zituen 1,3 milioi euro deklaratu Ogasunean, eta PSOEk mailegu faltsuak eman zizkien bere fundazioei, betiere txostenaren arabera.
EAJren kasuan, lursail batekin egindako operazio batean lortutako ia 5 milioi euro ez zituela deklaratu ohartarazi du Fiskaltzak. Gainera, "merkataritza-sozietate sare" bat duela eta horrekin "legez kanpoko finantziazioa" jaso duela ondoriozta daitekeela aipatu du.
Bestalde, Eusko Alkartasunaren kontuetan ez zituztela diru-sarrera eta gastu guztiak jaso azaldu du fiskalak. Horrenbestez, Gonzalez Solerren hitzetan, baliteke delitu egin izana.
Atariko txosten bat da
Kontu Auzitegiko Fiskaltzak argitu du delitu zantzuak agertzen dituen txostena "atarikoa" dela, ez dela behin betikoa, eta oraindik informazio gehiago lortu behar duela erabakia hartu aurretik.
Fiskaltzak prentsa-ohar bat zabaldu du oraindik txostenaren inguruko "behin betiko erabakia" ez duela hartu jakinarazteko.
Izan ere, Fiskaltzak azaldu duenez, txosten hori Kontu Auzitegiko zerga arduradunei helarazi diete, horien informazio osagarriarekin batera, ondorioetara iritsi eta azken erabakia hartzeko.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.