Mas Kataluniako Parlamentuan galdekatuko dute Pujol auziagatik
Artur Mas Generalitateko presidenteak agerraldia du gaur Kataluniako Parlamentuan Pujol auziaren harira sortutako ikerketa batzordean. Katalunian ez da inoiz halakorik gertatu, aurretik horrelako batzordeetan kontseilariak bakarrik aritu baitira, ez presidenteak.
Parlamentuko iturrien arabera, agerraldiaren nondik norakoak Kataluniako Gobernuaren eta Pujol auziaren ikerketa batzordeko presidentearen (David Fernandez-CUP) artean adostu dute, Parlamentuak presidentearen eta Gobernuko kideen ohiko agerraldiak bakarrik arautzen dituelako.
Horiek adostutakoaren arabera, 16:00etan hasita, 30 minutuko hitzaldia egingo du Masek. Ondoren, taldeek galderak egiteko txanda etorri da, talde handienetik txikienera (CiU izango da azkena galdetzen), eta presidenteak taldeka erantzungo ditu.
Jarraian, galdera gehiago egiteko aukera izango dute taldeek, baina bigarren txanda horretan, Artur Masek denei batera erantzungo die.
Lautan aurka bozkatu ostean, urtarrilaren amaieran eskatu zuen ERCk Artur Masen agerraldia. Aurretik erabilitako estrategia goitik behera aldatu zuten errepublikanoek Mas batzordera deituta. Izan ere, ERCk uste zuen CiUren buruak Parlamentuko erakundeen inguruko batzordean azalpenak bere kabuz emango zituela, baina irailerako hauteskundeak deituta (martxorako nahi zituen Oriol Junquerasek) eta IATen auzian Mas nahasten zuten informazioak agertu ondoren, agerraldia eskatu zuten azkenean errepublikanoek.
Bozeramaile batzuk, aukeratu gabe
ERCren aldetik, Oriol Amoros izango da bozeramailea eta Masi galderak egiteko arduraduna. PSCk eta PPCk gaur bertan aukeratuko dituzte euren bozeramaileak.
Sozialisten eleduna, Maurici Lucena batzordeko bozeramailea edo Jordi Terradas diputatua izan daiteke, baina ez dute baztertu Miquel Iceta PSCko burua izatea Mas galdekatzeko arduraduna.
PPCri dagokionez, Alicia Sanchez-Camacho izan daiteke aukeratua, baina Enric Millo bozeramailea edo Santi Rodriguez diputatua ere izan daitezke.
ICV-EUiAk eta Ciutadansek hala erabakita, Joan Herrera eta Albert Rivera buruzagiak izango dira Generalitateko presidentea galdekatzeko arduradunak. CUPek Quim Arrufat jarriko du lan horietan.
CiUk, ordea, ez du bozeramailea aukeratu. Iturri batzuen arabera, baliteke Jordi Turull Parlamentuko bozeramailea hautatzea horretarako.
/p>
Zure interesekoa izan daiteke
Plus Ultra auzian Auzitegi Nazionalean egin beharreko deklarazioa atzeratzea eskatu du Zapaterok
Plus Ultra auzia ikertzen ari den Jose Luis Calama epaileari Auzitegi Nazionalean deklarazioa atzeratzea eskatu dio Espainiako Gobernuko presidente ohiak. Ekainaren 2rako deitua zuen Calamak Zapatero.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zenik
Bingen Zupiria Eusko Jaurlaritzako Segurtasun sailburuak onartu duenez, Ertzaintzak Loiuko aireportuan izan zuen jokabidea "ez zen gertatu behar", eta barkamena eskatu du nazioartean eragina izan zuten gertakari batzuengatik. Segurtasun Sailak barne ikerketa abiatu du indarraren erabilera proportzionala izan ote zen argitzeko.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.
Global Sumudeko kideen aurka Ertzaintzak izandako jokabidea salatu dute hainbat lagunek Legebiltzarraren atarian
Eusko Legebiltzarrean eguerdian Bingen Zupiria Segurtasun sailburuak Loiuko aireportuan ertzaintzak Global Sumudeko kideen aurka kargatu izanari buruzko azalpenak emango ditu. Hori baino lehen, goizeko 09:00etan hasita, Ertzaintzaren jokabidea gogor salatu Legebiltzar atarian 50 lagun inguruk. Ertzainez inguratuta ari dira egiten protesa Gasteizen; oso haserre daudela esan dute eta ertzaintza egin dute gertatu zen guztiaren errudun.
Gurutzetako batzokian Ertzaintzaren aurkako pintadak egin dituztela salatu du Bizkaiko EAJk
EAJk Gurutzeta auzoan, Barakaldon, duen egoitzan, pintadak agertu dira fatxadan, mezu iraingarriekin. Alderdiak gertatutakoa gaitzetsi du, eta egin dituztenak zein "beste aldera begiratzen dutenak" kritikatu ditu.
Nafarroako torturaren beste zortzi biktima aitortu ditu Foru Gobernuak
Ebazpen horiekin, dagoeneko 137 dira 16/2019 Foru Legearen esparruan ofizialki indarkeria politikoaren biktima gisa aitortutako pertsonak.
Zupiriak Ertzaintzak Flotillako kideen harreran izandako jarrerari buruzko azalpenak emango ditu eguerdian Legebiltzarrean
Segurtasuneko sailburuaren agerraldia Eusko Legebiltzarreko Erakunde, Gobernantza Publiko eta Segurtasun Batzordean izango da. Arartekoak ofiziozko espedientea ireki du Ertzaintzak Loiun izan zuen jokabidearen aurrean.
Ikertzaileek uste dute Zapaterok etxetik ematen zituela "jarraibide" nagusiak
Espainiako presidente ohiak Madrilgo Las Rozas auzoan duen bizitokia ustezko ustelkeria sarearen gune garrantzitsua zela dio UDEFen txostenak, nahiz eta epaileak ez zuen eman hura miatzeko baimenik.