Prozedura Kriminaleko Lege berriaren ezaugarri nagusiak
Espainiako Ministroen Kontseiluak gaur onartu du Prozedura Kriminaleko Lege berriaren proposamena.
Lege horrek aldaketa eta berritasun nabarmenak ekarriko ditu. Besteak beste, instrukzioa edo ikerketa egiteko epea mugatuko du: gehienez ere, 18 hilabete iraun ahalko du.
Hortaz, auzien instrukzio-epea 6 eta 18 hilabetera mugatuko da: 6 hilabete, auzi saio ohikoenetan, eta 18, sumario konplexuenetan. Azken epe hori 36 hilabetera luzatzeko aukera ere izango da, baina kasu zehatzetan soilik, eta betiere instrukzioko epaileak eta fiskalak egokitzat jotzen badute.
Bestalde, azkenaldian askotan aipatzen den kontzeptua desagertzea proposatzen du Espainiako Gobernuak: auzitegiek ikertzen dituzten pertsonei, “inputatuak” esan ordez, “ikertuak” esatea proposatu du PPren exekutiboak.
Epaile eta fiskalek egindako kritiken ondotik, bestalde, Espainiako Gobernuak atzera egin du, eta, beraz, Poliziak ezingo du telefono-komunikazioetan entzuketarik egin, agindu judizialik gabe.
Catalak esan du aukera hori kentzearen alde egin dutela Botere Judizialaren Kontseilu Nagusiak eta Kontseilu Fiskalak, "zail” ikusten zutelako “konstituzioan sartzea”.
Hori horrela, egungo araudiari eutsiko diote eta entzuketak epaileak agindu beharko ditu, eta Barne Ministerioak terrorismo kasuetan soilik jokatu ahal izango du bere kabuz.
Makro-prozesuetan, berriz, sumario “amaiezinak” saihesteko, auziak zatika hatzeko aukera ere jasotzen du lege berriak.
Polizia-atestatuen kasuan, egilea ezezaguna denean ez da Auzitegietan eginbiderik egingo: horiek izaera administratiboa izango dute aurrerantzean.
Beste berritasun bat “ezkutuko polizia” izango da: nortasun faltsu bat erabiliz, Interneten ikertzea izango da polizia horien xede nagusia.
Horrez gain, Justizia Auzitegi Nagusiak berrikusiko dituzte Lurralde Auzitegiek ebatzitako epaiak. Auzitegi Nazionaleko Apelazio Salak, berriz, epaitegi horrek ebatzitakoak gainbegiratuko ditu, eta ez Auzitegi Gorenak, orain arte gertatu den bezala.
Rafael Catala Justizia ministroak gaur eman du proposamen horren berri, Ministroen bileraren ondorengo agerraldian. Gaurko tramitea gainditu ondoren, egitasmoa Kongresuan bozkatu beharko dute.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.