Iruñeko Rodezno Kondearen plazari izena aldatuko diote
Joseba Asiron alkateak jakinarazi duenez, Rodezno Kondearen plazari izena aldatuko diote eta hemendik aurrera Serapio Esparzaren plaza deituko da. Iruñeko Bigarren Zabalgunea diseinatu zuen arkitektoa izan zen Esparza.
Horrez gain, Imaz Anaien kalearen izena ere aldatuko dute eta Julio Arteagaren kalea izango da. Arteagak Lehen Zabalgunea diseinatu zuen.
Aipatu aldaketak Memoria Historiakoaren legea betetzeko egingo dituztela adierazi du Asironek. “Plaza eta kale horrek ez dituzte araudia betetzen eta ez datoz bat XXI. mendean Iruñeak behar duen izendegiarekin”, erantsi du.
“Imaz Anaien kaleari Julian Arteagaren kalea deitzen egoki iruditzen zaigu, berak diseinatu baitzuen Iruñeko Lehen Zabalgunea; aukera ezin hobea da auzo hori diseinatu zuen pertsonari kale bat eskaintzeko”, esan du.
Rodezno Kondearen plazaren kasuan ere, egokiena Bigarren Zabalgunearen egilearen izena (Serapio Esparza) jartzea dela adierazi du. “Rodezno Kondeak eta Imaz anaien historia ezagututa, ezinbestekoa zen aldaketa hauek egitea”, azpimarratu du.
Bestalde, Lezkairu auzoan plaza berri bat eraikiko dute Maravillas Lamberto omentzeko.
“Erabaki adierazgarriak hartzen ari gara. Agerian geratu da udal-gobernu berriak Memoria Historikoaren legea errespetatzeko duen borondatea eta Iruñeko izendegia aldatzeko asmoa”, azpimarratu du.
Ildo horretan, sinbolo frankistak kentzeko asmoa iragarri du. Lehendabiziko urratsak eman dituztela esan du, baina etorkizunean beste pauso garrantzitsu bat emango dutela jakinarazi du: Rodezno Kondearen eraikina beste erabilera batekin mantentzea edo behera botatzea erabakiko dute.
Hala ere, alkateak azaldu du maila horretako erabakia ez dutela egun batetik bestera hartuko, “bitartekoak behar ditugu eta eztabaida sozial baten ondorioa izan behar da azken erabakia”, zehaztu du.
Mola eta Sanjurjo jeneralen hilotzak eta 1936ko gerran hildako beste sei soldadu frankisten gorpuak eraikin horren azpian daudela gogora ekarri du.
“Gorpuzkinak hobitik atera eta haien familien esku utzi nahi ditugu”, esan du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.