EH Bildu: 'PPren immobilismoaren biktima da Quiroga'
Arantza Quirogak EAEko PPren presidente kargua utzi berritan, erreakzio andana izan da euskal alderdien aldetik. Julen Arzuaga EH Bilduko legebiltzarkide eta bozeramailea izan da hitz egiten lehena. Arzuagak nabarmendu duenez, "PPren immobilismoaren biktima da Quiroga".
Buruzagi 'popularra'ren erabakia "errespetatzen" duela nabarmendu du Arzuagak, eta bizikidetzaren alorrean akordioa lortzeko egindako saiakera eskertu du.
Horren aburuz, aurrerapausoa egin zuen PPk Askatasuna eta Bizikidetza lantaldea sortzeko mozioa aurkeztuta, baina mugimendu horrek "PPren jarrera gogorren kontra jo zuen".
Mozioa erretiratu zutenean EH Bilduk adierazitakoari eutsi dio Arzuagak; hau da, bakea, askatasuna, bizikidetza eta normalizazio politikoa lortzeko bidean, "eskua luzatuta" dutela "pauso eraginkorrak" emateko.
UPyD: 'Baliteke asmo onez aritu izana'
Gorka Maneiro UPyDren bozeramailearen iritzian, baliteke EAEko PPren presidentea zena "asmo onez" aritu izana, baina "hori politikan ez da nahikoa; kale egin zuen", azpimarratu du.
Legebiltzarrean eskainitako prentsaurrekoan agertu duenez, bere alderdia Quirogaren proposamenaren aurka dago: "Okerra izan zen denboran, moduan eta eduki mailan". Horren ustez, "ezker abertzaleari ezin zaio exijentzia maila bajatu. ETAren gaitzespen argia eskatu beharrean, ezin zaio indarkeriaren errefusatze orokorra eskatu".
"Terrorismoari zilegitasuna kentzeko, ETArekin amaitzeko eta biktimak defendatzeko ez dira lantaldeak asmatu eta hitzak nahastu behar. Zuzenbide estatua, egungo legedia eta Zigor Kodea errespetatu eta aplikatu baino ez da egin behar", erantsi du.
Quirogari buruz, honakoa esan du Maneirok: "Azken asteetan oker jokatu badu ere, printzipio demokratikoak dituen pertsona dela frogatu du".
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.