Konstituzionalak ebazpen independentista baliogabetu du
Kataluniako Parlamentuak azaroaren 3an onartutako ebazpen independentista bertan behera uztea erabaki du gaur Auzitegi Konstituzionalak, berri-agentziek zabaldu dutenez. Modu horretan, Espainiako Gobernuak adierazpenaren aurka jarritako helegitea ontzat eman du.
Auzitegi Konstituzionaleko osoko bilkuran parte hartu duten epaileek bozkatu dute, eta adierazpena baliogabetzea onartu, aho batez eta inoizko azkarren.
Atzo eta gaur bildu dira berme auzitegiko magistratuak, eta guztiek sinatu dute adierazpen independentista baliogabetzeko ebazpena.
Espainiako Gobernuak Kataluniako Parlamentuak onartutako adierazpenaren aurka aurkeztutako helegitea arazoaren 11n onartu zuen tramitera Auzitegi Konstituzionalak. Alegazioak aurkezteko 10 eguneko epea eman zien aldeei Auzitegiak, eta epea agortzear zela, azaroaren 27an, Kataluniako Parlamentuak bere alegazioak aurkeztu zituen.
Konstituzionalak aste honetako osoko bilkuraren gai-ordenan sartu zuen berehala gaia. Atzo eztabaidatu zuten magistratuek, eta gaur etorri da erabakia.
Epaileen argudioak
Epaileek ez dute zehaztu zer gertatuko zaien ebazpenaren sinatzaileei euren agindua urratzen badute.
Epaiaren arabera, idatziak Konstituzioaren hainbat artikulu urratzen ditu. Zehazki, 1.1.a, 1.2.a, 2.a, 9.1.a eta 168.a, hau da, subjektu subiranoaren batasuna, aginte publikoak Konstituzioaren menpe daudela eta Konstituzioa bera erreformatzeko moduak aipatzen dituztenak
Halaber, nazioaren subiranotasuna "herri espainiarrean" dagoela eta horrek "halabeharrez" batuta egon behar duela adierazi dute.
Kataluniako Estatutuari dagokionez, lehen artikuluan autogobernua Konstituzioaren araberakoa dela zehazten dela ohartarazi dute.
Bestalde, Konstituzionalak gogorarazi du Konstituzioa erreformatu egin daitekeela, ez baitzioten lex perpetua izaera eman, baina horretarako aurreikusitako prozedurak jarraitu behar direla gaineratu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.