Mas: 'Kataluniak eta Espainia osoak gobernu egonkorrak behar dituzte'
Generalitateko presidente Artur Masek esan du Katalunia eta Espainia osoari komeni zaizkiela "gobernu egonkorrak, elkarrizketaren aldekoak eta akordiorako prest daudenak", kasu bakoitzean bere zilegitasun demokratikoarekin, zehaztu duenez.
Urte amaierako bere mezu instituzionalean, berretsi du erabakitzeko eskubidearen alde dagoela, baina azpimarratu ere azpimarratu du politikariek "erabakitzeko beharra" dutela egoera zailetan; alegia, Kataluniako hauteskundeek eta hauteskunde orokorrek ekarri dituzten egoeretan.
Egoera horiek behartzen dute "elkarrekin hitz egitera, negoziatzera eta akordioak egitera; hau da, erabakitzera", oso bestelakoak diren "ideien, pertsonen eta alderdien artean, zaila bada ere".
Aritmetika zailak, hauteskunde orokorren ostean
Espainia osoaren gainean, Masek esan du aritmetika zaila dutela aurretik orain Kataluniako egoera politikoaz "burla eta iraina" egin dituztenek; hala ere, bere nahia da egonkortasuna egotea.
Kataluniari dagokionez, zehaztu du "denbora laburra eta aukera txikia" dagoela inbestidura-akordio batera heltzeko; izan ere, urtarrilaren 10ean iritsi behar da akordio hori. Legeak, gogoratu duenez, ez du uzten beste hauteskunde batzuk deitzen egun hori baino lehen, baina gero derrigorrezkoa izango da deitzea.
Erabakitzeko eskubideak "guztion beharra du"
Masek defendatu du Kataluniako erabakitzeko eskubideak "guztion beharra" duela, egiazkoa izateko eta inor ez geratzeko baztertuta: "Ez balego bezala egiteak edo gutxiesteak ez du inolako irtenbiderik ekarriko".
Hori dela eta, eskatu du 2016 erabakigarria izatea, Kataluniak azken urteotan izan duen "ibilbide apartaren helburuak erdiesteko", azken hilabeteen gainetik. Masen esanetan, 2015eko azken hilabeteak zalantzagarriak izan dira, egonezinez beterikoak eta desengainu batzuetakoak.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.