Arraiz: 'Estatu demokratiko bat ez da adierazpen askatasunaren beldur'
Hasier Arraiz Sortuko presidenteak "iritziak emateagatik" bere kontra abiatutako auziak salatu ditu gaur EAEko Auzitegi Nagusian, Guardia Zibila larriki iraintzea egotzita, ikertu gisa deklaratu ostean. "Iritzi delitu" batengatik epaitzen ari direla adirazi du Arraizek, eta 2015eko urtarrilean esandakoak adierazpen askatasunaren baitan kokatu ditu.
Dignidad y Justicia elkarteak Arraizen kontrako kereila aurkeztu zuen EH Bilduko legebiltzarkideak Guardia Zibilari "xake-mate ematea" eskatuta Estatuko segurtasun indarrak larriki iraindu zituela iritzita. Epaileak kereila onartu eta ikertu gisa deklaratzera deitu zuen.
Auzi horregatik ordu eta erdiz deklaratu du gaur Arraizek, fiskalaren eta Iñigo Iruin defentsako abokatuaren galderei soilik erantzunda. Auzitegitik ateratzean, azkenaldian emandako iritziengatik auzitegietan hirugarren aldiz galdekatu dutela nabarmendu du Arraizek. "Badakit Sortuko ordezkaria naizelako auzipetu nautela", erantsi du.
"Eztabaida politikoak erakundeetara eramateko unea da, Euskal Herrian zein Estatuan. Eztabaida politikoak baldintza berdintasuna bermatzen duten foroetan egin behar dira, ez epaitegietan. Kontua ez da gure iritziak epaile baten aurrean adieraztea, eta gero honek hori zigortu behar den ala ez erabakitzea. Eztabaida politiko irekia behar dugu", adierazi du.
Adierazpen askatasuna
Ingurumaria honetan, Arnaldo Otegiren esaldi bat gogora ekarri du Sortuko presidenteak: "Euskal gatazka boxeo ringetik atera eta xake taulara ekarri dugu".
Arraizek nabarmendu duenez, "batzuek ez dute xakeaz ezer jakin nahi, boxeoa nahiago dutelako. Adierazpen askatasunaren beldur den estatu bat demokratikoki oso ahula da. Euskal Herrian une oro ikusten ari gara, baina baita Estatuko beste toki batzuetan ere. Horregatik, hemendik gure elkartasuna adierazi nahi diegu iritzi delituengatik jazarriak izaten ari diren guztiei".
EH Bilduko legebiltzarkidearen aburuz, "hau guztia amaitu behar da", estatu demokratiko bat "ez baita adierazpen askatasunaren beldur", "ez baitu eztabaida politikoa epaitegietara eramaten, erakundeetara baizik".
Sortuko, EH Bilduko eta ezker abertzaleko kideen babespean joan da Arraiz auzitegira, eta 2015eko urtarrilean egindako adierazpenak berretsi ditu.
"2015eko urtarrilaren 12an esandakoa berretsi nahi dut. Orduan, argi eta garbi esan nuen, eta berriro esan diot epaileari: herri honek ez du Guardia Zibila behar, lehenbailehen joatea nahi dugu, eta ez gara hori eskatzen nekatuko", adierazi du.
Dignidad y Justiciaren kereila
Dignidad y Justicia elkarteak aurkeztu zuen Arraizen kontrako kereila. EH Bilduko legebiltzarkideak adierazpenak egin zituen, Guardia Zibilak Xake operazioan, 2015eko urtarrilaren 12an, presoen abokatuak atxilotu ondoren.
Egun horretan bertan eta urtarrilaren 14an Arraizek bi prentsaurreko eman zituen. Lehenengoan, euskal gizarteak Guardia Zibilari "xake-mate" eman behar ziola esan zuen, eta Euskal Herritik ospa egiteko eskatu zuen; bigarrenean, metaforarik gabe, Euskadin indarkeria bakarra Espainiako Estatuarena zela adierazi zuen. ?Indarkeria mehatxu bakarra? Guardia Zibilarena eta gainerako ?errepresio? indarrena zela erantsi zuen Arraizek.
Hilabete batzuk geroago, EAEko Auzitegi Nagusiaren lan-arloko aretoak kereila onartu zuen, baina "Espainiari laidoa" ustezko delitua atzera bota zuen.
Zure interesekoa izan daiteke
50.000 migratzaile sartu dira Ceutan, eta horietatik 48.300 Marokora itzuli dira dagoeneko
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.
Milaka migratzaile Marokora itzultzen hasi dira
50.000 migratzaile baino gehiago Ceutan sartu ostean, hiri autonomoa gainezka dago, eta askok Marokora itzultzeari ekin diote.
Jaurlaritzak ukatu egin ditu Solariak Araban parke fotovoltaikoak eraikitzeko eskatutako 19 baimenak
Industria, Trantsizio Energetiko eta Jasangarritasun Sailak argudiatu du iraungi egin direla garraio-sarera sartu eta konektatzeko emandako baimenak.
Feijook "salbuespenezko" neurriak eskatu ditu migrazio krisiaren aurrean, lehen erreakzio politikoak iritsi diren bitartean
PPko buruak Ceutako segurtasuna indartzeko, Atzerritarren Legea erreformatzeko eta Pedro Sanchezek Kongresuan agertzeko eskatu du. ERCk, Voxek eta IUk ere migrazio krisiaren inguruko jarrera azaldu dute.
Sanchezek mafiei egotzi die Auzitegi Gorenaren epaia "modu interesatuan" baliatu izana Ceutan sarrera masiboa antolatzeko
Espainiako Gobernuko presidenteak Espainiaren "lurralde osotasunaren urraketa" gaitzetsi du, Ceutako itsas mugan buiak jarriko dituztela iragarri du, Atzerritarren Legea aldatzeko prest agertu da, eta Marokorekin lankidetzan aberriratzeak bizkortu nahi ditu.
Italiak eta Finlandiak Espainia Schengen eremutik kanpo uzteko eskatu dute, eta Danimarkak eta Suediak mugako kontrolak "zorrozteko"
Giorgia Meloni Italiako lehen ministroa izan da Espainia pertsonen zirkulazio askeko lurraldetik kanpo uztea iradoki duen lehena. Europako Batzordeko presidente Ursula von der Leyenek "itzulketa azkarrak" eskatu ditu.
Frantziak indartu egingo du larunbatetik mugan poliziaren presentzia, Ceutako krisiaren ondorioz
Neurriak Gipuzkoatik eta Nafarrotik Ipar Euskal Herrira doazen muga-pasabideei eragiten die. Trenbide-korridoreetako kontrolak areagotu eta aireko zaintza-neurriak indartuko ditu, besteak beste.
Espainiako Gobernuak biktima gisa aitortu du Josu Mujika eta legez kanpokotzat jo ditu haren kontrako epaiak
Mujika gaur 51 urte hil zuen Polizia Armatuak tiroz, Madrilen ETAko kideen aurka egindako operazio batean.
Zaballako preso baten heriotza salatu eta gardentasun handiagoa eskatu dute
Salhaketa Araba elkarteak gertatutakoari buruzko gardentasun handiagoa eskatu du, eta zalantzan jarri du hil aurretik 60 urteko presoari emandako arreta. Elkartearen esanetan, gertatutakoa "ezin da gertaera isolatu gisa ulertu".