Ostiralean egingo dute Sanchezen inbestidurako bigarren bozketa
Pedro Sanchez hautagai sozialistaren inbestidurako bigarren bozketa ostiralean egingo dute azkenean, Patxi Lopez Kongresuko presidenteak iragarri duenez.
Hasiera batean, larunbatean zen egitekoa bozketa, baina PP eta Podemos erabaki horren aurka agertu ziren.
Gainera, joan den astean, Alderdi Popularrak gaia Auzitegi Konstituzionalera eramateko mehatxu egin zuen, bigarren bozketa lehendabiziko saioa egin eta 48 ordura (ostiral gauean) deitu behar zela, eta, beraz, larunbat goizera atzeratu ezin zitekeela ulertuta.
Patxi Lopez Kongresuko presidenteak esan du Bozeramaileen Batzordean eztabaida "txiki" bat izan dela "48 ordura" kontzeptuaren harira, baina eztabaida horrek ez duela inora eramaten erantsi du, "interpretazio asko egin daitezkeelako".
Lopezek adierazi du bigarren bozketa larunbat goizean eginda, taldeei denbora gehiago eman nahi zietela, botoa pentsatzeko edota balizko akordioak egiteko.
Inbestidura
Azkenean, Espainiako Gobernuko presidentea aukeratzeko inbestidura saioa astearte honetan hasiko da, 16:30ean. Pedro Sanchezek soilik hartuko du hitza.
Gainerako taldeek biharamunean, asteazkenean, hitz egingo dute, eta agerraldiak amaituta, bozketa egingo dute. Lehen bozketan gehiengo absolutua (176 boto) beharko du Alderdi Sozialistako buruzagiak Espainiako Gobernuko presidente bilakatzeko.
Agerraldi ugari izango direnez, lehendabiziko bozketa 21:00ak inguruan izango dela aurreikusita dago. Horrenbestez, oso litekeena da bigarren bozketa ostiral gauean izatea. Kasu horretan gehiengo sinplearekin nahikoa da.
Asteazkenean, inbestidura saioaren lehen bozketa egitean, Espainiako Gobernua osatzeko epeak ere abiaraziko dituzte. Une horretatik aurrera bi hilabete izango dituzte Kongresuan Espainiako presidente berria aukeratzeko. Hala ez bada, ekainaren 26an hauteskundeak deituko dituzte berriro.
Albiste gehiago politika
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.