Errege-erreginek babesa eman zioten inputatuta dagoen enpresaburu bati
Felipe VI.a Espainiako erregeak eta Letizia Ortiz erreginak babesa agertu zioten Javier Lopez Madrid enpresaburuari, hedabideek Caja Madrideko eta Bankiako txartel 'beltzen' auzian nahasita dagoela publikatu eta egun batzuetara.
eldiario.es webguneak jakinarazi duenez, errege-erreginek Whatsappeko talde batean idatzi zizkioten babes mezuak, Guardia Zibilak atzeman duenez. Enpresaburua sexu jazarpen auzi batean ere nahasita dago, eta, ikerketa horren baitan, Institutu Armatuak haren sakelako telefonoa arakatu zuen, eta aipatutako taldeko solasaldiak berreskuratu zituen, Lopez Madridek ezabatu bazituen ere.
Solasaldi horietako batean, Letizia Ortizek mezu hau idatzi zion enpresaburuari, 2014ko urriaren 15ean, 17:08an: "Idatzi nizun LOC zikin horretan txartelen artikulua publikatu zutenean, eta badakizu zer pentsatzen dudan, Javier. Badakigu nor zaren, badakizu nortzuk garen. Elkar ezagutzen dugu, elkar maite dugu, elkar errespetatzen dugu. Gainerakoa, kaka zaharra. Muxu bat yoga laguna (miss you!!!)".
Lopez Madridek horrela erantzun zion: "Asko eskertzen dizut. Etorkizunean zorroztu egingo dut arreta, bizi garen herrialdea oso zaila da, eta nire jokaerarekin kontzienteago izango naiz".
Une horretan, Felipe erregeak bat egin zuen solasaldiarekin: "Bai horixe! Bat egiten dut txatarekin, baina nahiago dut tarte bat hartzea modu elektronikoz edo telefonoz ez hitz egiteko. Elkarrekin bazkalduko dugu bihar? Besarkada bat".
Caja Madrideko eta Bankiako zuzendariek eta kontseilariek egindako gastu 'beltzak' hedabideetan agertu eta bost egunera izan zuten solasaldi hori errege-erreginek eta Lopez Madridek. Enpresaburu horrek 34.807 euro gastatu zituen txartel beltzekin, eta ez zuen zergarik ordaindu.
Egun, enpresaburua auzipetuta dago txartel beltzen auzian, Auzitegi Nazionalak epaiketaren data noiz ezarriko zain. Gainera, Punica auzian ere inputatuta dago.
Zarzuela: "Dagoeneko ez dira lagunak"
Testuinguru horretan, Errege Etxeak esan du Felipe Borboikoa eta Letizia Ortiz dagoeneko ez direla Lopez Madriden lagunak.
"Adiskidetasun hori ez da existitzen jada", adierazi du Zarzuelako bozeramaile batek.
Zure interesekoa izan daiteke
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.
EH Bilduk Nerea Kortajarena aukeratu du Donostiako alkategai
Kortajarena EH Bilduren Programa idazkaria da gaur egun, eta legebiltzarkidea Eusko Legebiltzarrean 2016tik. Azken hauteskunde autonomikoetan EH Bilduren Gipuzkoako zerrendaburua izan zen, eta "emaitza historikoa" lortu zuen, botoen % 40 gainditzea ahalbidetuz.