Estatuarentzat 'hautagai arriskutsuena' bera dela esan du Otegik
"Ohore bat da jakitea ni naizela Estatuak kontsideratzen duen hautagai arriskutsuena", esan du Arnalgo Otegi Sortuko idazkari nagusiak, politika aktibora itzuliko dela iragartzeko egin duen agerraldian. Martxoaren 1ean geratu zen aske, sei urte eta erdiko espetxe-zigorra bete ondoren. Hilabeteko atsedena hartu eta gero, hedabideen aurrera azaldu da berriro.
EH Bilduko buruzagiekin bildu da Bilbon, goizean, eta Otegik berretsi du, oraindik, ez dutela lehendakarigai izendatu. Dena dela, onartu du gustura hartuko lukeela izendapena, bere hitzetan, jakin badakielako, horrek min handia egingo liokela Estatuari. "Espainiako Estatuak ahalegin guztiak egingo ditu hautagaitza oztopatzeko", esan du.
Espetxetik irten ondoren, gaurkoa izan du Otegik EH Bilduren zuzendaritzarekin lehen hartu eman ofiziala, eta ez da esku hutsik iritsi batzarrera, ezker abertzaleak herritarrei egin beharreko "hiru promesak" azaldu dizkie-eta koalizioko kideei: programa sozial indartsua osatzea, burujabetzarako bidea marraztea eta gatazkak utzi dituen hari-muturrak lotzea beharrezkoak direla esan du. Promesa horiek betetzeko, EH Bilduren lehendakarigaia izateko prest dagoela esan du.
EFE
Otegik gogoratu du ezker abertzaleak bete egin duela bakea lortzeko eman zuen hitza. Hori bai, gainerako alderdientzat ezer ez dela nahikoa izango ohartarazi du, batik bat, ezker abertzalearekin benetako eztabaida egiteko beldur direlako.
Onartu du ezker abertzalearen barruan eztabaida dagoela, presoek kartzela legedia erabiltzeko moduari buruz. Berak dio lege hori erabiltzearen aldekoa dela, horrek presoak kartzelatik ateratzeko balio badu.
EH Bilduk EAEn ere gobernuan egon nahi duela adierazi du Otegik. "Gauzak aldatzeko gobernatu nahi dugu", zehaztu du. Otegiren ustez, burujabetzaren bidean urratsak eman behar dira, baina horretarako ezinbestekoa da "aldaketa soziala". "Badago aukerarik bigarren trantsizio baterako? Espainiaren plurinazional izaera onartzeko? Ez dut uste". Kataluniaren eredua jarraitzea da bidea, Otegiren hitzetan.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.