Chaconek eta Lozanok uko egin diote PSOEren zerrendetan aurkezteari
Carme Chaconek, Espainiako Gobernuko Defentsa ministroa izandakoak eta Kongresuan PSC alderdiko diputatua denak, baztertu egin du Bartzelonako PSCko zerrendaburu izatea berriro ekainaren 26an egingo diren hauteskunde orokorrei begira. Horrez gain, hauteskunde horietan Kataluniako sozialisten zerrendetan parte-hartzeari ere uko egin dio.
Chaconek Kongresuan eman du ofizialki erabaki horren berri, eta azaldu duenez, duela hilabete hartu zuen determinazioa "hausnarketa asko egin ostean". Behin erabakita, Jose Luis Rodriguez Zapatero Gobernuko presidente ohiari jakinarazi zion.
Bere agerraldian zehar azaldu du asko izan direla bere erabakiaren atzean dauden "arrazoi politikoak", baina garrantzitsuak ez direla eta beretzat gordetzen dituela gaineratu du.
Carles Marti senatari ohiak duela egun batzuk alderdiko primarioetan parte hartu nahi zuela plazaratu ostean (bere aburuz, "hutsegitea" izango bailitzateke Chaconek hautagai gisa errepikatzea), ministro ohiak saihestu egin du gaur arte berriro ere aurkeztuko zen ala ez baieztatzea; hauteskunde berriak deituko ote ziren jakin arte itxarongo zuela esatera mugatu da.
Abenduaren 20ko hauteskundeetan, Chacon hautagaitzat zuen PSCk 587.166 bozka eta zortzi diputatu eskuratu zituen, horietako bost Bartzelonatik eta bana Girona, Lleida eta Tarragonatik.
Sanchez: "Chacon Bartzelonako zerrendaburua izan zedila gustatuko zitzaidakeen"
Pedro Sanchez PSOEko idazkari nagusiak gaur esan duenez, atsegin handiz ikusi izango zukeen Chaconek Bartzelonako zerrendaburu gisa errepikatu izatea; hala ere, Parlamentuko bizitza uzteko bere erabakia errespetatzen duela gaineratu du.
"Chacon Bartzelonako zerrendaburua izan zedila gustatu izango zitzaidakeen, baina, zoritxarrez, atzerapauso bat ematea erabaki du", adierazi du Sanchezek.
Iceta: "Carles Marti baino hautagai egokiagoa"
Miquel Iceta PSCko buruaren iritziz, datozen hauteskunde orokorrei begira Chacon askoz hobeto zegoen kokatuta hautagai gisa PSCko senatari ohia den Carles Marti baino. Horrez gain, Chacon joan ostean, hautagai gehiago egongo direla baieztatu du Icetak.
Lozanok ere uko egin dio
Irene Lozano UPyDren diputatu ohiak ere Pedro Sanchez PSOEren idazkari nagusiari jakinarazi dio uko egiten diola Kongresuko zerrendetan aurkezteari, beste proiektu profesional batzuei ekiteko asmoa duelako.
Lozanok Twitterren azaldu duenez, "erabateko dedikazioa" eskatuko dion proiektu batean murgildu nahi du, "PSOEn politika egiteko esperientzia" izan ostean (ez zen afiliatu).
Sanchezi bere konfiantza "asko" eskertu dio, PSOEri lotuta egon diren hilabeteak "ikasketa" izan direlako.
Lozanok aurreko urriaren 15ean erabaki zuen Sanchezen eskaintza onartzea, UPyD utzi (2011tik izan zen diputatu) eta independente gisa Madrilgo zerrendan laugarren joateko.
Bere sarrerak ezinegona sortu zuen alderdiko hainbat sektorerengan. Hala, Guillermo Fernandez Vara Extremadurako presidenteak barkamena eskatzeko exijitu zion, alderdibitasunaren kontra egin zituen adierazpenekin irainduta sentitu zirelako.
Lozano Sanchezen apustu pertsonaletako bat izan zen Zaida Canterarekin batera.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.