Garbiñe Biurrun ez da Podemos Euskadiren lehendakarigai izango
Ezezkoa eman du azkenean Garbiñe Biurrunek. Ez da Podemos Euskadiren lehendakarigai izango EAEko hauteskundeetan. Epaileak eta Nagua Albak zuzentzen duen alderdiak oharra kaleratu dute gaur erabakiaren berri emateko.
Biurrunek apirila erdialdean aitortu zuen Podemos Euskadik hautagai izateko eskaintza egin ziola, eta proposamena hausnartu behar zuela eta "albait arinen" erantzungo esan zuen Euskadi Irratiari eskainitako elkarrizketa batean. Erantzuna astearte honetan jakinarazi du, hain justu.
EAEko Auzitegi Nagusiko Gizarte arloko aretoaren presidenteak aitortu du "gogoeta zaila eta sakona" egin behar izan duena, baina "erronka zoragarri hori" bere gain hartzeak "konpromiso pertsonalei, sozialei eta profesionalei uko egitea ekarriko luke", eta horiek ezin ditu "saihestu" arrazoi pertsonalak tarteko.
Hala ere, Podemos Euskadiren “aldaketarako ikuspegiarekin” ados agertu da Biurrun, eta “aldaketa hori eta ezinbesteko aurrerapauso horiek pertsona eta talde sozial eta politiko askoren parte-hartzearekin” lortuko direla ziurtatu du, “herritarren parte-hartzerako eta eztabaidarako esparru guztietatik”.
Gainera, “Euskadin politikak aldatzeko saiakera eta lana aurrera eramateko orduan azaldutako konfiantza bihotzez” eskertu du Biurrunek, eta baita “bere denbora, balorazio eta erabakiarekiko agertu duten erabateko errespetua” ere.
“Podemosen presentzia eta parte-hartzea erabakigarria da gaur Euskadin, gizarte bidezkoago bat lortzeko, bide berriak zabaltzeko”, erantsi du.
Zentzu horretan, Podemos Euskadiren eta beste indar progresista batzuen “lanean eta bileretan” parte hartzen jarraituko duela iragarri du, “lan saihestezina delako”. “Herritar bezala duen eskubidea” dela aldarrikatu du, hori bai, “lanbideak inposatzen dizkion mugen barruan” arituko dela gogorarazi du.
Podemosek eskerrak eman dizkio Biurruni
Bestalde, Garbiñe Biurrunek proiektuan agertu duen interesa eskertu du Podemos Euskadik. Euskal gizarte osoarentzako egitasmoa aurrera eramateko, “eskarmentua eta prestigioa duten pertsonak bildu” nahi dituela azaldu du alderdi moreak, “herritar guztien interesak defendatzen dituen programa bat osatzeko”.
Lan horretan parte hartu ahal izateko, Biurruni “ate guztiak zabalduko” dizkiotela ziurtatu du Pablo Iglesiasen alderdiak. “Beste pertsona batzuk gauza bera egiteko mekanismo guztiak” ere martxan izango dituztela gaineratu du Podemosek.
Zure interesekoa izan daiteke
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.