Agirre lehendakaria erbestean, Berlindik New Yorkera
Jose Antonio Agirre lehendakariaren erbeste luze eta gogorrean Berlinen izan zela 75 urte beteko diren honetan, nazioarteko erakunde esanguratsuek omenaldi egitarau zabala antolatu dute.
Ekitaldien sustatzaileek jakitera eman dutenez, alde batetik, nazioarteko kongresua egiten ari dira, martxotik ekainera Renon, Berlinen eta New Yorken; eta bestetik, Berlingo Euskal Etxeak jarduera ugari antolatu du maiatzaren 31tik ekainaren 2ra.
"Asier Vallejo Eusko Jaurlaritzako Kanpoan den Euskal Komunitatearentzako zuzendariak azaldu zuen moduan, egitarauak ez du Agirre lehendakariaren testuinguru historikoa soilik aztertuko, egungo Europar Batasunaren jaiotza ere bertan kokatzen baita. Jose Antionio Agirre lehenengo Eusko Jaurlaritzaren lehendakariak erbestean egin zuen lana azpimarratu nahi izan zuen hitz horiekin, bere ihesaldia oroitu", azaldu dute prentsa-oharrean.
Era berean, Etxepare Euskal Institutuak eta Nevadako Unibertsitateko William A. Douglass Center for Basque Studiesek "The International Legacy of Lehendakari Jose Antonio Agirre?s Government" kongresua antolatu dute, Agirre Lehendakaria Centerren, Jaurlaritzaren Kanpo Harremanetarako Idazkaritza Nagusiaren eta EHUren Mikel Laboa katedraren laguntzarekin.
Kongresu hirukoitz horren arduradun akademikoak Xabier Irujo William. A. Douglass Center for Basque Studiesen zuzendariordea, Mari Jose Olaziregi Etxebare Euskal Institutuaren Euskara Sustatzeko eta Zabaltzeko zuzendaria eta Carsten Sinner Leipzigeko Unibertsitatekoa dira.
Prentsa-oharrean zabaldu dutenez, "egitarauaren helburu nagusiak Agirre Europako ikuspuntutik aztertzea eta EB eraikitzeko egindako ekarpena aiortzea izango dira. Agirre lehendakariaren irudiaren eta garrantziaren inguruan orain arte antolatu den kongresu akademiko handiena da, eta goi mailako ekitaldia izango da, ez soilik hizlarien kalitateagatik, baita jorratuko diren gaiak askotarikoak izango direlako".
Ekainean, geldialdia Berlinen
Berlinen ekainaren 1ean egingo duten Kongresuan Agirreren eta beste euskal herritar batzuen erbesteratzea eta Europaren eraikuntza aztertuko dituzte. Bertan izango dira Carlos Collado Seidel (Phillips Universitat Marburg), Joan Villarroya (Bartzelonako Unibertsitatea), Nicholas Rankin idazle eta kazetaria, eta Hilai Raguer i Suñer historialaria. Bestalde, Berlingo Euskal Etxeak egitarau kulturala eta instituzionala prestatu du, hainbat erakunde eta artistarekin elkarlanean, eta Eusko Jaurlaritzaren Kanpo Harremanetarako Idazkaritza Nagusiaren babesarekin. Maiatzaren 31tik ekainaren 3ra egingo dituzte ekitaldi horiek "Agirre in Berlín 1941-2016. Das Baskenland mitten in Europa" izenburupean (Euskal Herria Europaren bihotzean).
Gerra zibilak eta euskal herritarren erbesteratzeak hainbat arte diziplinatan izandako eragina ere jasoko dute; horretarako, argitalpenak, hitzaldiak, kontzertuak eta askotariko ekitaldiak antolatu dituzte. Bestea beste, Kirmen Uribek eta Mikel Urdangarinek "Zaldiak eta beren itzalak" ikuskizuna aurkeztuko dute Gorki antzoki ezagunean. Alemanierara itzuliko dituzte Agirre lehendakariaren egunkari kritikoan Alemaniari dagozkion zatiak eta "De Guernica a Nueva York pasando por Berlin" liburua; eta Agirrek Berlinen ezagutu zituen lekuen eta bizitokien mapa bat ere osatu dute. www.agirreinberlin.eus webgunean daude xehetasun guztiak, eta Añorgak argitu duenez, "hau ez da ekainaren 3an amaitzen. Alemaniatik eta alemanieraz euskal historia ezagutu nahi nahi duenak aukera izango du aurrerantzean".
Zure interesekoa izan daiteke
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.