Bi urterainoko zigorra lau gazteri, Urigoitia omentzeagatik
Bi urterainoko espetxe-zigorra ezarri die Auzitegi Nazionalak Lucia Urigoitia ETAko kidearen omenaldian parte hartzeagatik auzipetutako lau otxandiar gazteei, terrorismoa goratzea egotzita. 1987an tiro bat jasota hil zen Urigoitia Pasaian, Guardia Zibilarekin izandako tiroketa batean. 2015eko uztailean, Otxandioko jaietan, omenaldia egin zioten, eta ekitaldi horretan parte hartzeagatik zigortu dituzte laurak; plaka bat jarri zuten, monolito baten ondoan, Urigoitiaren omenez.
Lau auzipetuek egotzitakoa onartu eta akordioa adostu dute Jose Perals fiskalarekin. Horrela, ez dira espetxera joango. Hasieran, bina urte eta erdiko espetxe zigorra eta hamarna urteko inhabilitazioa eskatu zuen fiskalak horientzat.
Aitor Uribek, Asier Duranek eta Miren Jone Soloetak bina urteko kartzela-zigorra eta zortzina urteko inhabilitazioa adostu dute, eta 2.160 euroko isun bana ere ezarri die epaileak. Soloetari, gainera, urtebeteko zaintzapeko askatasuna ere ezarri diote, aurrekariak zituelako.
Amaiur Lopez de la Callek, berriz, urtebete eta 9 hilabeteko espetxe-zigorra eta 2.160 euroko isuna adostu du.
Auzipetuek ohar bidez adierazi dutenez, "ez da justiziarik egin", eta "are gutxiago, oroimenari eta elkarbizitzari bide eman". "Ozen diogu, lau haizetara, oroimena zigortu, zigortu daitekeela, baina ez ordea lapurtu", esan dute.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.