Auzitegi Nazionalak uko egin dio Arantza Zulueta askatzeko eskaerari
Audientzia Nazionalak baztertu egin du Arantza Zulueta abokatua aske uzteko egindako eskaera. Zuluetari KT (Koordinadora Taldea) zuzentzea leporatzen diote.
Bere defentsak espetxetik ateratzea eskatu zuen bere gurasoen egoera dela-eta, eta baita Zigor Kodean izandako aldaketagatik ere. Izan ere, bertan aurreikusten denez, zigorra gradu batean edo bitan arin daiteke, baldin eta egindako egintza "larritasun gutxikoa bada, erabilitako bitartekoak edota izandako ondorioak aintzat hartuta".
Alabaina, Auzitegi Nazionalak nabarmendu duenez, "ETAko presoekin zerikusia duen sare osoa zuzentzeko eta gainbegiratzeko asmoz, ETAk darabilen ezinbesteko tresnako partaidea eta ordezkaria da".
Horrez gain, ez du baztertzen ihes egiteko aukera, egozten zaion delituak 12 urteko espetxe-zigorra baitakar berarekin.
Autoak Jose Ricardo de Prada epailearen boto partikularra jasotzen du. Bere aburuz, arrazoi nahiko daude behin-behineko askatasuna emateko, "nabarmena delako ETAk jarduera terroristari utzi diola".
Sortu, kritiko erabakiarekin
Sortuk, ohar baten bidez, kritikatu egin du Auzitegi Nazionalaren erabakia. Alderdi abertzalearen esanetan, PPrentzat gauzarik behinena "salbuespen eta mendeku neurrietan oinarritutako espetxe politika mantentzea da", "hori baita daukaten tresna nagusiena Euskal Herriak konponbidearen bidea egin ez dezan".
Alderdi abertzaleak iritzi dio preso guztiek "etxera" bueltatu behar dutela, eta, horretarako, "lehendabiziko urratsa" dispertsioarekin bukatzea eta ETAko presoak Euskal Herrira lekualdatzea litzateke.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.