Fiskalak 19 urteko espetxe zigorra eskatu du Arantza Zuluetarentzat
Auzitegi Nazionaleko Fiskaltzak 19 urteko espetxe zigorra eskatu du Arantza Zulueta ezker abertzaleko abokatuaren aurka, "ETAren fronte juridikoaren arduradunetako bat" izatea egotzita.
Hain zuzen ere, Jose Perals fiskalak 12 urte eskatu ditu erakunde terroristako kide izatea leporatuta, eta 7 armak eta lehergailuak edukitzea egotzita. Gainera, 14 urtez kargu publikoan aritzeko debekua ere eskatu du.
Auziko beste inputatu nagusia Jon Enparantza abokatua da, eta horrentzat 12 urteko espetxe zigorra eta 13 urteko gaitasun-gabetzea eskatu du Ministerio Publikoak.
Gainerako inputatuentzat, eskaera hauek egin ditu fiskalak: 11 urte Naia Zurriarainentzat eta Julen Zelarainentzat; 10, Iker Sarriegirentzat; 9, Joxe Domingo Aizpuruarentzat; eta, 7, Saioa Agirrerentzat, Juan Mari Jauregirentzat eta Nerea Redondorentzat.
Fiskaltzak "ETAko abokatuen arduradun nagusia" izatea egotzi dio Zuluetari, eta talde armatuko zuzendaritzarekin "komunikazio iraunkorra" zuela gaineratu du.
Horren ildotik, fiskalak esan du Zuluetak pare hartu zuela "iraultza zerga" kobratzeko prozesuan, eta ETArentzako helburuak zehaztu zituela. Adibidez, ETAk Auzitegi Nazionaleko segurtasun neurriei buruzko txosten bat egitea eskatu ziola aipatu du, bertan lehergailu bat eztandarazteko.
Enparantzari dagokionez, fiskalak presoen kolektiboa kudeatzea eta "iraultza zerga" kobratzeko bitartekari lanak egitea leporatu dio.
Zulueta eta Enparantza behin-behinean aske zeuden 2012tik, baina Eloy Velasco epaileak kartzelatu egin zituen 2014ko urtarrilean, beste auzi bat tarteko.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.