Jaurlaritzak dio Madril dela Pasaiako Portuaren erantzulea
Eusko Jaurlaritzaren Ingurumen eta Lurralde Politika Sailak adierazi du Gobernu zentrala dela Pasaiako Portuaren kudeaketaren erantzulea, "Gobernu espainiarraren eskumen esklusiboa" delako.
Jaurlaritzak Portuko Agintaritzaren presidentea aukeratzeko ahalmena dauka, baina Gobernu zentrala aipatu du Guardia Zibilak operazioa abiatu eta gero, Pasaiako lonja berria dela eta gainkostuak izan direlako.
Izan ere, eraikin berria egiteko lanetan aurreikusitakoa baino 5 milioi euro gehiago xahutu dituzte eta, Estatuko Portuak erakundeak egindako txosten batean agertu zenez, horietako hainbat lan dagokien prozesua bete gabe eta aurrekontuetan agertu barik egin zituzten.
Jaurlaritzak "ez du onartuko kudeaketaren erantzule egitea, horren gaineko kontrola, ikuskaritza eta esku hartzea Gobernu zentralaren esku dagoelako", azaldu du ohar baten bidez.
Gainera, "ezinegona" helarazi egin dio PPren Gobernuari "ulertezina" baita bere ustean "Eusko Jaurlaritza zalantzan jartzea, Pasaiako portua kudeatzen duen Sustapen ministroa alderdi horren kide izanda".
Era berean, Jaurlaritzaren esanetan, portua ez da "sekula Euskadiren esku egon", hain zuzen, Sustapen Ministerioak kudeatzen du, Estatuko Portuak erakundearen bidez. Izan ere, erakunde horiek Pasaiako Portuko Agintaritzaren Administrazio Kontseiluak hartutako erabaki guztiei oniritzia eman behar diete.
Kontseilua 15 pertsonak osatzen dute, horietatik Eusko Jaurlaritzak "soilik lau" proposatzen ditu, besteak beste, presidentea; gaur egun Ricardo Peña EAJko kidea.
>
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.