Sarek dispertsioa amaitu eta salbuespen-legea indargabetzeko eskatu du
Sare presoen eskubideak defendatzen duen plataformak "behingoz" dispertsioarekin amaitzeko eta aurreko gobernuek abiatutako "salbuespen-lege guztiak" indargabetzeko eskatu dio ekainaren 26ko hauteskundeen ostean eratuko den Espainiako Gobernuari.
Horrela eskatu dute Iruñean, bertan deitutako manifestazio batean. Horren hasieran, Aitor Etxeberria eta Ainhoa Azkarate ordezkariek adierazpenak egin dituzte, eta "euskal presoek eta euren familiek bizitzen duten egoera larria" salatu dute.
Horrez gain, "Nafarroako herritarrei" giza eskubideen trenera igotzeko eskatu diete, "eta aktibo bihur daitezen, pertsona horiek euren giza eskubideetan pairatzen duten urratzearekin amaitzeko".
Bide guztiak, blokeatuta
"Sarek duela hilabete batzuk martxan jarri zuen trena Euskal Herriko auzo, herri eta hirietatik dabil", nabarmendu dute, eta gehitu dute nola euren xedea den "euskal presoen eskubideen urratzea amai dadin".
Bertan gogorarazi dutenez, ETAk "duela bost urte" utzi zion borroka armatua erabiltzeari, eta, hala ere, gatazkari irtenbidea topatzeko urratsik ez da eman. Aitzitik, Espainiako Estatuak "balizko bide guztiak" blokeatu dituela salatu dute.
Manifestazioa abiatu duen pankartan, "Stop Dispertsioa: derechos humanos, resolución, paz" leloa zegoen jarrita, eta eguerdian autobus geltoki zaharrean hasi, Iruñeko erdigunetik ibili, eta Askatasun Plazan bukatu da.
Politika munduko hainbat ordezkari
Manifestazioan, Bakartxo Ruiz EH Bilduk Nafarroan Kongresurako duen zerrendaburua izan da, baita Sabino Cuadra EH Bilduko diputatu ohia eta Txelui Moreno Nafarroan Sortuk duen bozeramailea ere.
Askatasunaren Plazara iritsitakoan, Azkaratek salatu du dispertsio-politikak astebururo familiakoak bidaiak egitera behartzen dituela, "milaka kilometrora preso dauden senideekin 40 minutuz egoteko, eta adingabeak eskola galtzera eta 8 ordu baino gehiagoko bidaiak egitera".
"Politika kriminala da", familiako batzuen heriotza eragin duena zirkulazio-istripuetan, nabarmendu du. Horren esanetan, gainera, dispertsioak ez du bat egiten Europako jurisprudentziarekin, eta duela aste batzuk aurkeztutako txostena goraipatu du; Bizkaiko Abokatuen Elkargoan aurkeztu zuten txosten hori.
Azkarateren iritziz, "sufrimenduari atea itxi eta bakearen leihoak irekitzeko garaia da".
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.