Beldurrari egotzi dio Podemosek hauteskunde orokorretako boto galera
Podemosek, haren bilguneek eta Izquierda Unidak bilera egin dute ekainaren 26ko hauteskunde orokorretan izandako emaitzak aztertzeko. Pablo Iglesiasen ustez, Podemos Gobernura heltzeko eta aldaketa gauzatzeko beldurragatik galdu dituzte milioi bat boto.
Argudio hori izan da nagusi gaurko bileran. Pablo Iglesias gain, Pablo Echenique eta Iñigo Errejon ere izan dira batzarrean, besteak beste. Izquierda Unidatik zuzendaritza berriko kideak egon dira, Alberto Garzon salbu; Parisen da, Europako Ezkerreko Alderdiaren bileran.
Batzarra amaituta, Elkarrekin Ahal Dugu osatzen duten alderdiek oharra zabaldu dute, “beldurraren kanpainak boto kontserbadorea” mobilizatu duela nabarmenduz.
Horrez gain, “hautagaitza bateratua eta gure kanpaina ez dira erabakigarriak izan; herritarrek begi onez ikusi dute gure hautagaitza, baina beste aukera batzuen alde egitea erabaki dute”, erantsi dute.
Pablo Iglesiasen iritzian, herritarrek “berriari beldurra” diotelako galdu dituzte botoak. Podemosek hauteskundeak irabazi eta gobernatu lezakeela ikustean, “gure alde ez bozkatzea erabaki dute”.
“Boto-emaile horiek erabakigarriak izan dira hauteskundeetan gertatu dena ulertzeko. Begi onez ikusten gaituzte, politika espainiarrari eman diogun astindua eskertzen dute, inkesta-egileei guri bozkatuko digutela esaten diete, baina gobernatu egin dezakegula konturatu direnean, guri ez bozkatzea erabaki dute”, azaldu du.
Errejon: “Denok bat eginda gaude”
Bestalde, Iñigo Errejon Podemosen Politika idazkariak ukatu egin du bere alderdiaren baitan zatiketa dagoela hauteskunde orokorretan Elkarrekin Ahal Duguk izandako emaitza txarren ondorioz eta ez du zalantzan jarri Izquierda Unidarekin egin duten hautagaitza bateratua.
Bileraren ostean, Errejonek zurrumurru guztiak isilarazi nahi izan ditu: “Eztabaida irekiak egiten jarraituko dugu, eztabaidatzeak ez du esan nahi zatiketa dagoela. Zintzotasunez eztabaidatzen dugu, baina denok bat eginda gaude”, azpimarratu du.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.