Poliziaren biktimen legea onartzeko akordioa lortu dute EAJk eta PSEk
1978tik 1999ra Poliziaren gehiegikeriek eragindako biktimak aitortzeko legea onartzeko akordioa lortu dute EAJk eta PSE-EEk. Sozialistek legeari berme juridiko gehiago emateko aurkeztutako zuzenketa ia guztiak sartu dituzte testuan.
Behin betiko idatzia ostegunean eztabaidatu eta onartuko dute lantaldean, eta batzordean, gerora. Aurreikuspenen arabera, uztailaren 28an Eusko Legebiltzarrean egingo duten azken osoko bilkuran onartuko dute legea.
Bi alderdietako iturriek baieztatu dute akordioa. Jeltzaleen esanetan, testuan PPk aurkeztutako zuzenketa "dezente" eta EH Bilduren "batzuk" ere erantsi dituzte.
Babes handienarekin
EAJren eta PSE-EEren botoekin nahikoa da legea aurrera ateratzeko, baina gainerako alderdiei itunera biltzeko eskatu diete sozialistek. PSE-EEren hitzetan, legea ahalik eta babes handienarekin onartzea dute helburu.
Euskal Autonomia Erkidegoan (EAE) 1960tik 1978ra bitartean motibazio politikoko indarkeria-egoeran izandako giza eskubideen urraketen biktimak aitortzea eta biktima horiei ordaina emateko asmoa agertu du Jaurlaritzak. Orain onartuko duten legea 2012an Patxi Lopezen gobernuak bultzatutako dekretu baten jarraipena da. Dekretu hura 1960-1978 epean Poliziaren biktimak izan zirenei buruzkoa izan zen, eta 1978-1999 epean izandakoak hartuko dituzte kontuan lege-proiektu berrian.
Berme juridikoa
Espainiako Gobernuak iragarrita du errekurtsoa aurkeztuko duela Eusko Jaurlaritzak landutako lege-proposamena bere horretan onartuz gero. Barne Ministerioaren arabera, zirriborroaren zenbait puntuk Konstituzioa urratzen dute, eta Balorazio Batzordeari (biktima izaera aitortu behar du) emandako hainbat eskuduntza Estatuarenak ziren.
Arlo juridikoan, "oinarri sendoa" duela defendatu du EAJk hasieratik, baina sozialistek proposatutako helegite batzuk onartu ditu azkenean, berme juridiko gehiago emate aldera.
EH Bilduk aurkeztutako zuzenketei dagokienez, EAJko iturriek onartu dute gehienak ez dituztela kontuan hartu, "legearen espiritua nahasten" dutela iritzita.
Patxi Elola legebiltzarkide sozialistak azaldu duenez, "errepresio bidegabea"ri egiten zitzaizkion aipamen oro kendu dituzte testutik. Izan ere, horren esanetan, giza eskubideen urraketa batzuk ez ziren errepresio bidegabe baten ondorio, "botere eta indarkeriaren erabilera bidegabea azken ondorio izan zuten baina bidezkoak ziren ekintza polizialena baizik".
Demokrazia garaian erakundeetatik merezi zuten babesa jaso ez duten horiei ordaina eman nahi diete horrela, Elolak azpimarratu duenez. Horren esanetan, baina, terrorismoaren biktimen eta poliziaren gehiegikerien biktimen arteko konparazioak saihestu dituzte testuan.
Gainerako alderdien erreakzioa
EH Bilduk ez du oraingoz adostutako testu honen inguruko iritzirik eman. Hainbat zuzenketa aurkeztu zituen koalizio abertzaleak. "Estatu indarkeriaren" biktimak eta terrorismoaren biktimak parekatzea eskatu zuen, besteak beste.
Alderdi Popularraren ustez, behin betiko proiektu honek ez ditu PPren aldarrikapenak asetzen. Alderdi Popularra kritiko azaldu da testuak ez dielako ETAren mehatxupean egondakoei edota kale indarkeriaren kaltedunei biktima izaera onartuko.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.