EAJk Euskadira begiratuko duela esan du Ortuzarrek
Andoni Ortuzar EAJko EBBko presidenteak esan du haren alderdiak Euskadira begiratuko duela eta ez Madrilera. Irailaren 25eko hauteskundeei begira, estatu espainiarreko "ziurgabetasun giroa ez kutsatzeko" beharra nabarmendu du eta alderdi berrien sirena oihuen atzetik joatearen arriskuez ohartarazi du.
Loiolako Ignazio Deunaren egunaren eta EAJren sorreraren 121. urteurrenaren harira egindako ospakizunetan hitz egin du gaur Andoni Ortuzarrek. Ospakizun ekitaldiak 11:30ean hasi dira Sabin Etxean eta EBBko kideek harrera egin diete erakundeetako agintariei eta euskal gizarte zibileko hainbat ordezkariri. Segidan, 12:15ak aldera, lore eskaintza egin dute Sabino Arana EAJko fundatzailearen bustoaren aurrean, Albiako lorategian.
Ortuzarrek azpimarratu duenez, "EAJ Euskadigatik eta Euskadirentzat jaio zen duela 121 urte". "Euskadi da gure helburu soziala, gure kausa bakarra. Euskadirentzat eta euskal nazioa eraikitzeko bizi gara. Gure anbizioa hemen hasi eta bukatzen da", gaineratu du. Hori dela eta, eta beren erantzukizuna "hemen" dagoela argudiatuta, Euskadira, "maite dugun herrira", begiratzeko deia egin du.
Buruzagi jeltzaleak Espainiako egoera politikoa ere hizpide izan du eta bertan dagoen "zaratak eta estatu ikuspegi faltak" Madrilera "nahi baino gehiagotan" begiratzera behartu dituela adierazi du. Espainiako egoera nahasiaren baitan, Ortuzarrek adierazi du bertako alderdiek EAJrena ez den borroka batean nahastu nahi izan dituztela jeltzaleak. "Gure betebeharra hemen alboan nagusi den ziurgabetasun giroa kutsatzea saihestea da", zehaztu du. Halaber, Mariano Rajoyren balizko inbestidura EAJk ezezkoa botoa emango diola azpimarratu, bai lehen bozketan eta baita bigarrengoan ere. Are gehiago, jeltzaleen jarrera "mugiezina" dela nabarmendu du eta uko egin dio "abstentzio kolektibo" batean parte-hartzeari.
Irailaren 25eko Eusko Legebiltzarrerako hauteskundeei dagokienez, ezkerreko zein eskuineko alderdien populismo eta demagogia aldarrien arriskuaz ohartarazi du. Edonola ere, ziur agertu da herritarrek heldutasunez erantzungo dutela.
Bestalde, Ortuzarrek esan du Euskadik paradisuaren antza handia duela Espainiarekin alderatuz gero: "Ez gara oasi bat izango, baina nahikoa da hegoaldera begiratzea diferentzia antzemateko".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.