Pili Zabala, bakegintza eta bizikidetza erreferentea
Pilar Zabala Artano Tolosan (Gipuzkoa) jaio zen, 1968an. Hala ere, Zarautzen bizi da. Biktimen arteko adiskidetzean erreferente bat da. Joxi Zabala ETAko kidearen arreba da. Joxi Zabala Jose Antonio Lasarekin batera bahitu zuen GALek. Bien gorpuak kare bizian lurperaturik agertu ziren urte batzuk geroago.
Podemoseko lehendakarigaiak, besteak beste, Eusko Jaurlaritzako Adi-Adian programan, Lokarriren 'Hitzorduak' egitasmoan eta Eraikiz kolektiboaren adierazpenean parte hartu du. ETA, GAL eta Poliziaren biktimek “blokeoak gainditzea” aldarrikatu zuten manifestuan. “Hiltzea gaizki dagoela eta zegoela” esateko eskatu zieten alderdi guztiei.
2015ean Gazte Riole Model saria jaso zuen, Sara Buesa ETAk hildako legebiltzarkide sozialistaren alabarekin batera. Odontologia lizentziaduna da EHUn, 2004tik lanbide-heziketako irakaslea da zentro publiko batean eta bi seme-alaba ditu.
Politika “gizatiartu” nahi du Zabalak. Euskadin pertsona eta proiektu guztiek leku bat izatea lortu nahi du. Euskal politikagintzan ezezaguna zen alderdi moreko zuzendaritzak hautagaitza eskaini zion arte.
Esan bezala, bizikidetzan lan egin du; izan ere, Jose Ignacio Zabalaren arreba da. ETAko militante gaztea Jose Antonio Lasa lagunarekin batera bahitu zuen GALek Baionan (Lapurdi), 1983ko urrian.
Anaiaren desagerpen traumatikoaren ondoren, lehendakarigaiak bakea, bizikidetza eta giza eskubideen defentsan lan egin zuen Euskadin. Anaia desagertu zenean 15 urte zituen. 1996an Zabala eta Lasaren gorpuak agertu ziren Alacanteko hobi batean, kare bizian lurperaturik.
Munduko herritarra
Ez du bere burua “abertzale” bezala ikusten, munduko herritar gisa baizik. Hala ere, sentimendu independentista handia du. Europeista, baina munduarekin kritikoa da. Nazioartean gertatzen ari diren eskubideen urraketarekin kezkaturik dago.
Lurralde eredua “zaharkitua” dagoela uste du Zabalak. Euskal herritarrek nahi duten eredua eztabaidatzearen alde dago. Azken erabakia herritarrek izan behar dutela uste du.
Hala ere, lehentasun nagusia “politika gizatiartzea” da eta Euskadi barnerakoi bat lortzea, pertsona guztiek aukera berdintasuna izateko. Gazteek zein pertsona helduek lanpostu bat bermaturik izatea nahi du, eta erakundeak herritarrengana hurbiltzea.
Gorpuzkera txikia du, baina aiurri sendo eta segurukoa da. Emakume ekintzailetzat du bere burua. Enpresa mundua ezagutzen duela uste du; izan ere, 24 urterekin bere hortz klinika zabaldu zuen. Gainera, hezkuntzan eta Osakidetzan 12 urte lan egin ditu.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.