EAEko herritarren % 76k badakite hauteskundeak I25ean direla
Euskal Autonomia Erkidegoko herritarren % 76k badakite Eusko Legebiltzarrerako hauteskundeak irailaren 25ean egingo direla. Hori da 'EiTB Focus' inkestaren laugarren edizioak utzitako ondorioetako bat. Eusko Legebiltzarrerako hauteskundeetarako boto-asmoari buruzko datuak 14:00etatik aurrera emango dira ezagutzera eitb.eus-en, ETBn, Euskadi Irratian, Radio Euskadin eta Radio Vitorian.
Iñigo Urkullu lehendakariak uztail amaieran hauteskundeak deitu zituenetik Eusko Legebiltzarrerako hauteskundeei begira egindako lehendabiziko inkesta da. Gainera, inkesta horrek balio erantsi bat du; izan ere, elkarrizketak atzo eta herenegun egin zituzten.
Giro politikoa eta euskal politikarien balorazioa, boto-asmoa eta alderdien arteko balizko itunak; horiek izan dira galdeketa honetako gai nagusiak.
Fitxa teknikoa
'EiTB Focus' Gizaker enpresak EiTBrentzat egindako ikerketa soziologikoa da. 1.200 pertsonari (400 Araban, 400 Bizkaian eta 400 Gipuzkoan) telefonoz galdetuta egin dute, eta % 95eko konfiantza-maila du.
Lagina zoriz hautatu dute, eta lurralde historikoa, generoa eta adina kontuan hartuta sortu dute. Inkesten % 25,2 euskaraz egin dituzte, eta gainerakoak (% 74,8), aldiz, gaztelaniaz. Emaitzak herrien tamainaren arabera haztatu dituzte.
Inkestak irailaren 5ean eta 6an egin zituzten, telefonoz. Elkarrizketek, batez beste, 6 minutu eta 40 segundo iraun zuten. Luzeenak 15 minutu iraun zuen, eta laburrenak, berriz, 5 minutu.
'EiTB Focus'en helburua
'EiTB Focus'en helburua herritarren iritzia jakitea da. Hartara, inkestok egiteaz gainera, programazio berezia izango da ETBn, Radio Euskadin, Radio Vitorian eta Euskadi Irratian, eta atari berezia eitb.eus-en.
'EiTB Focus'eko datuak 14:00etan emango dira ezagutzera ETBn, "Gaur Egun" eta "Teleberri" albistegietan, eta Radio Euskadi, Euskadi Irratia, Radio Vitoria irrati-kateetan eta eitb.eus webgunean. Egunean zehar, hainbat saiotan jorratuko dira datuok, eta ETBk programazio berezia eskainiko du 'EiTB Focus' ezagutzera emateko, ETB2n, ostegunean, 'EiTB Focus. Euskadi decide' saioaren bitartez.
Webguneko erabiltzaileek 'EiTB Focus'en galdeketa eta ikerketa guztien inguruko datuak izango dituzte nahieran erabiltzeko, orrialde berezi batean. Halaber, EiTBko saioetan egiten diren azterketa guztien analisiak ikusteko aukera ere izango dute bertan.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.