PPk gehiengo osoa lortu du berriz Galizian; En Marea, bigarren
Galiziako PP izan da indar bozkatuena beste behin ere, eta gehiengo osoa lortu du hirugarrenez jarraian, bozen % 47,53 jasota eta Galiziako Parlamentuan dauden 75 eserlekuetako 41 erdietsita.
Bestalde, En Marea koalizioak (Podemos, Anova eta Esquerda Unida batzen ditu) aurrea hartu dio PSdeG alderdiari, eta bigarren jarri da, 14 eserleku eta botoen % 19,07 lortuta.
Hala, PSdeGk atzera egin du berriz ere, lau diputatu galduta, botoen % 17,88 eta 14 eserleku eskuratu baititu.
BNGri dagokionez, bozen % 8,36 eta sei eserleku lortu ditu, eta Ciudadanos Galiziako Parlamentutik kanpo geratu da.
Aurreko hauteskunde orokorrekin alderatuta (Galiziak 23 diputatu hautatu zituen), PPk eta BNGk baino ez dute boto kopurua handitu. Hala, PPk 675.000 boto jaso ditu oraingoan, ekainean 643.827 hiritarren babesa jaso ostean. PSOEk 90.000 boto galdu ditu eta En Mareak 73.000 boto gutxiago jaso ditu.
Esanguratsua da BNGren gorakada oraingo hauteskundeetan, aurreko orokorretako emaitzekin alderatuta. Ekainean, alderdiak 44.902 boto jaso zituen (abenduan baino 26.000 gutxiago), baina hauteskunde hauetan bikoitza baino gehiago jaso du: 118.000.
Feijoo: "Espainia osoko PPren" emaitza da
Alberto Nuñez Feijoo Xuntako presidentea pozik agertu da, berak onartu duen bezala, egungo testuinguruan emaitza bikaina baita, gehiengo osoa lortu baitu hirugarrenez jarraian. Feijooren esanetan, Galiziak "argi eta garbi" hitz egin du.
Santiago de Compostelako hotel batean bildu dira Galiziako PPko zuzendaritzako kideak emaitzak bertatik jarraitzeko, eta Feijook eskerrak eman ditu bertatik, Galiziak "aske eta demokrazian" hitz egin duelako eta Gobernua bere esku jarri dutelako berriz.
Nuñez Feijook laudorio ugari egin ditu bere hitzaldian, eta horietako bat Mariano Rajoy PPko buruzari zuzendu dio, Galizian lortutako emaitza "Espainia osoko PPrena" baita.
Albiste gehiago politika
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.
Marlaskaren esanetan, autonomiek ez zuten Estatuaren laguntza zalantzan jarri Feijook gehiago eskatu zuen arte
Luis Santamaria PPko senatariari erantzunez, Barne ministroak larrialdien alorreko eskumenak zeintzuk diren gogoratu du, eta PPko kideei "baloiak kanpora" botatzea leporatu die.
Lehendakariaren ustez, Estatukoa baino LGS "handiagoa" lortzeko moduan gaude, gizarte-eragileekin hitzartuta
Lehendakariaren ustez, adostasunerako "jarrera horretan" jarraitu behar da lanean, "oztopoak kenduz", "eragile sozialen aldetik" erresistentziak daudelako eta "gai horiek beti denbora" daramatela eta "landu egin behar direla" uste dutelako.
Pradales: “Moreno Bonillari deitu diot elkartasuna eta laguntza eskatzeko, migratzaile adingabeen % 50 autobusez iristen baitira Andaluziatik”
Lehendakariak azpimarratu du elkartasuna ardatz izanda garatu behar dela migratzaileen kudeaketa. Hala, horri buruz hitz egiteko eta lan egiteko deia egin du, pertsonak baitira eta horien giza eskubideak eta duintasuna bermatu beharra baitago.
Pradales, ertzainen eta udaltzainen aurkako erasoei buruz: "Indar politiko guztiok gaitzetsi behar ditugu, salbuespenik gabe"
Imanol Pradales lehendakariak eskatu du Ertzaintzak udan jasan dituen erasoak alderdi guztiek "aho batez, argi eta garbi" gaitzestea, "salbuespenik gabe". Gainera, ohartarazi duenez, "bizikidetzaren, tolerantziaren eta biktima guztien oroimenaren aurkako jarrerek ez dute lekurik gure herrian".
Lehendakariak bilera-sorta egingo du politika, ekonomia, aurrekontuak eta autogobernuaren garapena aztertzeko
Nazioarteko albisteek sortzen duten ezegonkortasuna kudeatzearekin batera, etorkizuneko erronketarako prestatu eta herri bezala eta ongizatean hazteko helburua jarri du Imanol Pradalesek hurrengo hilabeteetarako.
Espainia BPGaren % 2 gastu militarrera bideratzen ari da jada, NATOren arabera
Espainiako Estatuak adostutako gastu-helburua betetzen du, lehenengoz. NATOk adierazi du herrialde kide guztiek betetzen dutela 2014ko Galesko goi-bileran adostutako gastu-helburua.
Gobernu Kontseilua Miramar Jauregian bildu da
Eusko Jaurlaritzak ostegun honetan hasi du urte politiko berria Donostiako Miramar Jauregian, uda osteko lehen Gobernu Kontseiluarekin. Imanol Pradales lehendakaria buru duen bileran hurrengo hilabeteetarako erronkak eta lehentasunak finkatu dituzte.
Jaurlaritzak gaur ekin dio urte politiko berriari, egonkortasuna, akordioak eta ongizatea lehentasun dituela
Sailburuak 10:00etan bildu dira Donostiako Miramar Jauregian, oporren ondorengo lehen Gobernu Bilera egiteko. Besteak beste, AEBren arantzelek, transferentziek eta etxebizitza-politikek hartuko dute protagonismoa hurrengo hilabeteetan.
EH Bilduk eta Mes per Mallorcak bi alderdien arteko lankidetza indartuko dute
Bi alderdiak Bilbon bildu dira asteazken honetan. Besteak beste, Estatuko eta nazioarteko egungo egoera aztertu dute.