Gure Esku Dago: 'Erabakia egikaritzeko aukera berriak sortu dira'
Gure Esku Dago erabakitzeko eskubidearen aldeko herri dinamika batzarra egiten ari da asteburu honetan Eibarren. Bertan, besteak beste, hauteskunde ondorengo egoeraren analisia egin dute eta datozen hilabeteotako erronkak plazaratu dituzte.
Angel Oiarbide eta Zelai Nikolas plataformako bozeramaileek esan dutenez, Gure Esku Dago dinamikak "etapa berri bati hasiera" eman dio, eta 2016-2017 ikasturtea erabakigarria izango da: "urrats garrantzitsua egingo dugu erabakirantz", esan dute.
Hauteskundeen emaitzek garbi erakutsi dute, eledunen hitzetan, "erabakiaren bidean aurrera egiteko ikuspegia indartzen" ari dela. "Herritarrok jokatzen dugun papera funtsezkoa izaten ari da; ehuntzen, adosten eta erabakitzen jarraitzen dugu", gaineratu dute.
"Hauteskundeak igaro berri, aukera berriak sortzen dira erabakia egikaritzeko bidean, eta bide horretan herritarron ekarpena erabakigarria izango da", esan dute.
Azaroaren 27an Dima eta Bakaikun egingo dira herri galdeketak, eta 2017an 100 herri ingurutan. Horrek atzetik eskatzen duen lana eta antolaketa bideratzeko, formazio saioak antolatu ditu Gure Esku Dagok asteburu honetarako. 150 lagunetik gora bilduta daude, atzotik, Eibarren. Antolatzaileen esanetan, "izen emateek gainezka egin dute eta, beste behin, argi eta garbi ikusi dugu herritarrok prestatu egin nahi dugula erabakitzeko".
Bi gai nagusi ari dira jorratzen batzarrean: herri galdeketak, batetik, formazio teorikoan eta praktikoan sakonduz, eta dinamikaren bide orria, bestetik, 2018. urtea jomugan jarriz. Dinamika parte hartzaile bat jarri dute abian Gure Esku Dagoren bide orria eta helburuak garatzeko, beti ere, joan den urtean aurkeztutako Eskura dokumentutik abiatuta.
Horrela, hilabete inguru iraungo duen prozesuari hasiera eman diote, eta mahai gainean jarritako oinarrien inguruko lanketa egingo dute herrietako dinamikek datozen asteetan. Prozesu horren emaitza abenduan aurkeztuko dute.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.