Gizartearen babesa helarazi dio LABek Rafa Diezi
Ainhoa Etxaide LAB sindikatuko idazkari nagusia eta Jabi Garnika zuzendaritza nagusiaren ondokoa Santoñan (Kantabria) dagoen El Duesoko espetxera arte hurbildu dira igande honetan, sindikatuko idazkari nagusia izan zen Rafa Diez Usabiagari bisita egin eta jasotako babesak helarazteko asmoz. Diez bertan dago espetxeratuta Bateragune auziagatik, eta Etxaidek hura aske uzteko eskatu du "injustizia" batekin bukatze aldera.
Bisitaldia goizeko 11:30 pasata hasi da, eta iraun duen 40 minutuetan zehar jatorri eta ibilbide politiko, sozial, kultural eta sindikal askotarikoa duten hainbat pertsonak sinatutako manifestua igorri diote, beste zenbait mezuren artean.
Sindikatuak gogorarazi duenez, zazpi urte igaro dira Polizia Nazionala LAB sindikatuko egoitzan sartu eta Rafa Diez,Arnaldo Otegi eta ezker abertzaleko beste zenbait mandatari atxilotu zituela, horien artean Rufi Etxeberria, Sonia Jacinto eta Miren Zabaleta.
Rafa Diezi Batasuna berrantolatzen saiatzea leporatu zioten, eta Auzitegi Nazionalak 10 urteko espetxe-zigorra ezarri zion. Ondoren, Auzitegi Gorenak sei urte eta erdian utzi zuen zigorraldia.
LABek adierazi du Usabiagak preso jarraitzen duela eta gainerako auzipetuak aske daudela, baina bere zigor osoa bete ostean. "Oso garesti ordaindu dute. Injustizia horrekin amaitzeko garaia da. Bada garaia Labeko idazkari nagusi ohia eta gainerako presoak etxera ekartzeko", aldarrikatu du Ainhoa Etxaidek.
Etxaideren iritziz, "urrats berriak" eman behar dira presoen eta atzerriratuen aldeko borrokan, bai herri gisa, bai sindikatuetatik edota langile bakoitzetik".
Horrenbestez, datozen hilabeteetan LABek "preso eta erbestean dauden pertsonen arazoari konponbidea ematearen auzia" mahaigaineratuko du. "Preso eta erbestean dauden pertsonen itzulera aldarrikatuko dugu, azken egunetako ekimenei jarraipena emanez. Langileok gauza asko dugu esateko eta egiteko arazo honen aurrean", gaineratu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.