Bake bidean beste pauso bat emango du Foro Sozialak Aieten
Euskal Herriko bake-prozesua indartzeko bokazioarekin jaio zen Foro Soziala, eta larunbat honetan beste urrats bat eman nahi du bide horretan. Izaera iraunkorra hartuko du Foro Sozialak, eta bihar egingo dute aurkezpen ofiziala, Aieteko Bakearen Etxean.
Hain zuzen, ETAk ekintza armatuak behin betiko utziko zituela iragarri zuenetik bost urte bete direnean emango da pauso berri hau. Ostegunean bete ziren bost urte ETAk jardun armatua utzi zuenetik, Aieteko Adierazpena izenpetu eta hiru egunera. Bakea lortzeko bide-orria zehaztu zuten adierazpen hartan.
Bake Bidea eta Lokarri taldeen ekimenez jarri zen abian Foro Soziala, eta Bilbon eta Iruñean eman zituzten lehendabiziko urratsak, 2013an, bake prozesua bultzatzeko. Azken batzarra urtarrilean egin zuten, Gernikan.
III. Foro Sozial hori egin zutenetik 46 bilera egin dituzte hainbat erakunde, alderdi politiko, sindikatu eta ordezkari sozialekin, 'armagabetze eta desegite prozesua diseinatu, garatu eta bukatzeko'.
Lan horren emaitza aurkeztuko dute bihar Aieten, eta Euskal Herriko eragileak eta nazioartekoak biltzen ditu Foro Sozialak, tartean Nazioarteko Harremanen Taldeko hiru kide: Brian Currin abokatu hegoafrikarra, Raymond Kendall Interpoleko idazkari nagusi izandakoa eta Alberto Spektorowski irakasle israeldarra
PNV, EH Bildu eta Podemos
Nazioarteko ordezkaritzarekin batera, EAJk, EH Bilduk eta Podemosek larunbateko hitzorduan izango direla iragarri dute. Hala, Andoni Ortuzar jeltzalea, Arnaldo Otegi EH Bilduko kidea eta Pili Zabala Elkarrekin-Podemos koalizioko ordezkaria izango dira han. Horiekin batera, bihar Donostian izango dira Adolfo Muñoz (ELA), Ainhoa Etxaide (LAB), Unai Sordo (CC.OO) eta Steilas, ESK eta EHNE sindikatuetako kideak, eta gizarte zibileko 22 entitateko ordezkariak.
PPk eta PSE-EEk, berriz, ez dute ordezkaritzarik bidaliko, alderdiotako iturriek baieztatu dutenez.
Bezperako bilera
Brian Currin, Raymond Kendall eta Alberto Spektorowski Foro Sozialaren ordezkariekin batzartu dira ostiral honetan Bilbon, bihar Donostian, Aieteko Jauregian, egitekoak diren ekitaldiaren bezperan. Lan bilera izan da gaurkoa, eta bertan Foro Sozialeko kideek azken urte hauetan egindako lanaren txostena helarazi diete Nazioarteko Harremanen Taldeko ordezkariei.
Horrez gain, hiru bitartekariok alderdi politikoetan buruzagiekin eta hainbat eragilerekin bilduko dira datozen egunotan.
tozen egunotan. tozen egunotan. tozen egunotan.Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.