Altsasuko liskarrak terrorismo delitu gisa ikertuko ditu ANk
Carmen Lamela Auzitegi Nazionaleko epaileak hala erabakita, Altsasun (Nafarroa) urriaren 15ean bi guardia zibil eta euren bikote-lagunak zauritu ziren liskarrak terrorismo delitu gisa ikertuko dituzte Madrilen. COVITE terrorismoaren biktimen elkarteak salaketa aurkeztu zuen, eta Fiskaltza hura ikertzearen alde azaldu zen asteartean. Eskaera horri men egin dio, horrenbestez, Lamela epaileak.
Erabakia ez da irmoa, eta helegitea aurkez daiteke hiru eguneko epean.
Auzia ikertzeko eskumena duela argudiatuta, instrukzioa abiatzeko izapide batzuk agindu ditu Auzitegi Nazionalak. Gertakari horiek orain arte ikertu dituen Iruñeko epaitegiari auzia bere gain uzteko eskatu dio, eta Foruzaingoari, txostena bidaltzeko. Horrez gain, Guardia Zibilari "lehenbailehen" beste txosten bat egiteko eskatu dio, agenteek Nafarroan, oro har, eta Altsasun, bereziki, ustez sufritzen duten "jazarpen kanpaina" dela eta.
Era berean, "bertsio ofiziala" gezurtatzeko AltsasukoGaztetxea (@AtlsasukoGA) Twitterreko kontutik egindako adierazpenak eta partekatutako argazkiak nork egin zituen argitzeko eskatu dio Guardia Zibilari, baita kontu horren arduradunak nortzuk diren ere.
Epailearen ustez, Nafarroako udalerri horretan gertatutakoak "Estatuko segurtasun indarretako kideen kontrako delitu larriak dira, beren ideiak konpartitzen ez dituztenak beldurrarazteko egindakoak, eta bake publikoa asaldatuz". Auzitegi Nazionaleko Fiskaltzak antzeko argudioak eman zituen atzo ikerketa abiatzeko egindako eskarian.
Guardia Zibilak berak eta Foruzaingoak urriaren 15eko liskarren kontura egindako txostenek bestelakoa diote, ordea. Txosten horien arabera, Altsasun ez zen bi guardia zibilen eta haien bikotekideen aurkako lintxamendu edo segada antolaturik izan. Guardia Zibilaren ikerketak dio "eraso bat" izan zela, baina bi agenteen testigantza kolokan jarri du, eta orain arte zabaldutako bertsioa gezurtatu du, Altsasuko 40-50 gaztek jipoitu zituztela ukatu baitu.
KAS Alternatiba
Epailearen idatzian ageri denez, urriaren 15ean bertan elkarretaratzea egin zuten Altsasun Guardia Zibilaren kontra. "Alde Hemendik" lelopean, goizaldean gertatutakoaren "bertsio ofiziala" gezurtatu nahi izan zuten bertan bildutakoek. Lamelaren hitzetan, "Guardia Zibila Euskaditik kanporatzea" KAS Alternatibaren, ETAren beraren eta erakunde armatuarekin lotura zutelakoan legez kanpo utzitako alderdien helburuen artean dago.
Hori horrela, Altsasun gertatutakoak Auzitegi Gorenak terrorismotzat jotzeko ezarritako baldintzak betetzen ditu; hau da, herritarrak beldurtzeko helburua egotea, botere publikoak zerbait egitera edo ez egitera behartzea, eta Estatuko egiturak ezegonkortzeko nahia izatea.
zatea.
zatea.
zatea.
zatea.
Albiste gehiago politika
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.