Polizia txostenek diote Altsasun ez zela lintxamendurik izan
Guardia Zibilak nahiz Foruzaingoak Altsasuko gertaerei buruz egindako txostenen arabera, urriaren 15ean ez zen bi guardia zibilen eta haien bikotekideen aurkako lintxamendu edo segada antolaturik izan.
Guardia Zibilaren ikerketak dio "eraso bat" izan zela, baina bi agenteen testigantza kolokan jarri du eta orain arte zabaldutako bertsioa gezurtatu du, hau da, Altsasuko 40-50 gaztek jipoitu zituztela ukatu du.
Gainera, Diario de Noticias egunkariak gaur argitaratu duenez, Guardia Zibilak gorroto delitu bat egon daitekeela uste du, baina ez du terrorismo deliturik antzeman, Covitek eskatu bezala.
Gertakaria ikertzen ari den Iruñeko 3. instrukzio epaitegiaren esku dago jada Guardia Zibilaren txostena. Mari Paz Benito epailea ari da auzia ikertzen.
Auzitegi Nazionala
Hala ere, eta Guardia Zibilaren eta Foruzaingoaren txostenen kontra, Auzitegi Nazionaleko Fiskaltzak uste du terrorismo delitua egon daitekeela eta, beraz, gertakaria ikertzeko eskumena berari dagokiola.
Covitek aurkeztutako salaketaren harira, atzo Carmen Lamela Auzitegi Nazionaleko epaileak auzia ikertu behar duen edo ez argitzeko eskatu zion Fiskaltzari, kontuan hartuta ordurako kasua Iruñeko epaitegiaren esku zegoela.
Fiskaltzak bere idatzian dio "Estatuko segurtasun indarretako kideen kontrako delitu larriak" direla, "beren ideiak konpartitzen ez dituztenak beldurrarazteko egindakoak eta bake publikoa asaldatuz".
Gainera, Fiskaltzaren arabera, Altsasun gertatutakoa Euskal Herriko zenbait herritan "agenteek pairatzen dituzten jazarpenaren baitan kokatu behar da".
Horrenbestez, Fiskaltzak dio Carmen Lamela epailea buru duen Auzitegi Nazionaleko 3. Instrukzio epaitegiak Altsasun izandako liskarra ikertu behar duela, terrorismo delitua izan daitekeelakoan.
Joan den larunbatean manifestazio jendetsua egin zuten Altsasuko bizilagunek eta bertsio ofiziala ukatu zuten, hau guztia "muntaia poliziala eta mediatikoa" zela salatuz.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.