Jendetza batu da auzitegiaren atarian, Forcadelli babesa emateko
Carles Puigdemont Generalitateko presidenteak, Generalitateko hainbat kontseilarik, Artur Mas Kataluniako presidente ohiak eta JxSí, SíQueEsPot eta CUP taldeetako ordezkariek babesa eskaini diote Carme Forcadell Kataluniako Parlamentuko presidenteari, gaur Kataluniako Justizia Auzitegi Nagusiaren aurrean deklaratu aurretik. Prebarikazioa eta desobedientzia leporatzen diote Forcadelli, Auzitegi Konstituzionalaren debekuari entzungor egin eta Parlamentuan independentziaren bide orriari buruzko eztabaida eta bozketa egitea baimendu zuelako.
Forcadell goizeko zortziak jo baino pixka bat lehenago iritsi da Kataluniako Parlamentura, eta Carles Puigdemontekin, Generalitateko hainbat kontseilarirekin eta Artur Masekin elkartu da bere bulegoan. Jordi Jane Barne kontseilaria eta Carles Mundo Justizia kontseilaria izan dira Parlamentura joan ez diren kontseilari bakarrak.
Generalitateko kideez gain, Junts pel Sí talde parlamentarioko diputatu guztiak, Lluis Rabell Catalunya Sí Que Es Pot taldeak Parlamentuan duen bozeramailea, CUPeko Eulalia Reguant, Joan Garriga 'Nana', Mireia Boya eta Sergi Saladie diputatuak eta Juan Rigol eta Ernest Benach Parlamentuko presidente ohiak ere izan dira Forcadelli babesa eskaini diotenen artean.
Carme Forcadellek bertaratutakoen txaloak eta besarkadak jaso ditu, eta Parlamentuan duen bulegotik irtendakoan, guztiek batera argazki bat atera dute Parlamentuko eskaileretan.
Ondoren, alkate, zinegotzi, diputatu, senatari eta erakunde soberanistetako kideez osatutako segizioarekin bat egin dute Parlamentuko atarian, eta denek batera egin dute Parlamentutik Kataluniako Justizia Auzitegi Nagusirako bidea.
Justizia Auzitegi Nagusiaren egoitzara heldu baino lehen, Generalitateko presidentea segiziotik atera da; izan ere, Generalitateak aurrez jakinarazi zuen Puigdemont ez zela auzitegiaren atarira agertuko.
"Atzerapauso bakar bat ere ez", "Zuekin gaude" eta "Demokraziaren defentsan" zioten pankarten artean egin du segizioak bidea, eta bertaratutako herritarren babesa jaso du Forcadellek.
Auzitegira iritsitakoan, bertaratutakoak agurtu ditu eta 09:15 aldera sartu da barrura. Forcadell 09:30 jo baino lehen hasi da epailearen aurrean deklaratzen eta 10:00ak aldera amaitu du.
Deklarazioa amaitutakoan, Justizia Auzitegi Nagusitik Parlamenturako bidea egin du, eta adierazpen instituzionala egin du bertan.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.