Kataluniako Auzitegiak tramitera onartu du Forcadellen aurkako kereila
Kataluniako Auzitegi Nagusiak tramitera onartu Carme Forcadell Parlamentuko presidentearen aurka Fiskaltzak aurkeztutako kereila. Fiskaltzaren esanetan, Carme Forcadellek desobedientzia eta prebarikazio delituak egin ei zituen Prozesu Eratzailearen Batzordeak aurkeztutako ondorioak Parlamentuan bozkatzea ahalbideratu zuenean. Parlamentuko funtzionario batek jakinarazi dio albistea Forcadelli.
Jose María Romero de Tejada Kataluniako fiskal nagusiak izan zen Kataluniako Justizia Auzitegi nagusian Kataluniako Parlamentuko presidentearen aurkako kereila formala aurkeztu zuena, eta "ordenamendu juridikoaren" kontrako akordioak onartzeagatik eta Auzitegi Konstituzionalaren esanei jaramonik ez egiteagatik ikertu gisa deklaratu dezala eskatu zuen.
Jesus Maria Barrientos, Carlos Ramos eta Maria Eugènia Alegretek osatutako zigor eta arlo zibileko salak atzo hiru orduko bilera egin zuen Fiskaltzaren kereilari buruzko erabakia hartzeko.
Espainiako Konstituzioa dinamitatzeaz gain, bere "helburu sezesionista" abian jartzeko Kataluniako Parlamentuko araudia "modu bidegabean" erabiltzea ere aurpegiratu zion Fiskaltzak Carme Forcadelli.
Auzitegiaren erabakiaren berri izandakoan, Forcadellek haren Twitter kontuan adierazi du Parlamentuan hiritarrei eragiten dien gai guztiez hitz egin ahal izatea defendatzen jarraituko duela.
Zure interesekoa izan daiteke
Sanchezek erantzunak eta neurriak eskatu dizkio Marokori, Ceutan muga-kontrolak huts egin zuelako
"Gogoak batzeko" deia egin du Sarek presoen aldeko urtarrileko manifestazioa "azkena" izan dadin
Arabak trenbide sektorea berritzeko zentro teknologikoa izango du Laudion
Kataluniara itzultzeko aukera zabaldu dio Puigdemonti Auzitegi Konstituzionalak, bidegabeko erabilera delituari amnistia eman dio eta
Kongresuak behin betiko kendu dio prentsa-akreditazioa Vito Quilesi
Akordio zabalak aipatu bai, baina gero ezezkoa bozkatzea aurpegiratu dio Estebanek Otegiri
Anduezak hauteskundeei begira egotea leporatu die EH Bilduri eta "bereziki" EAJri
Ceutako eta Melillako mugetan segurtasuna indartuko dutela iragarri du Marlaskak, zabaldu diren deialdien ondorioz
Rufianek Mazoni: "Uste dut kartzela besterik ez duzula merezi, inutila, giza hiltzaile arduragabea eta psikopata zara"
