Zubietako erraustegiaren esleipena geldiaraztea eskatu dute
EH Bildu, Podemos-Ahal Dugu, Ezker Anitza-IU eta Equo alderdiek Zubietako erraustegiaren esleipena geldiaraztea (GHK batzordeak asteartean onartzea aurreikusi du) eskatu dute, “eragile politiko eta sozialekin akordioa lortzeko bideak uztartzeko” helburuarekin. Haien ustez, “gune honetan ere elkarrizketa eta akordioa posible izatearen seinale ona” izango litzateke.
Alderdi hauetako ordezkariek prentsaurrekoa eman dute Gipuzkoako Batzar Nagusietan. Iban Asenjo eta Arantza Gonzalez izan dira bozeramaileak, eta agiri bat irakurri dute, bertan “beste kontsumo-eredu” baten aldeko proposamena nabarmendu dute, zero zabor (zero waste) filosofian eta ekonomia zirkularrean oinarrituta.
Horren haritik, alderdiek sinatutako akordioa gogorarazi dute, “zabor kopurua murriztea, berrerabilpena eta birziklapena handitzea, hondakin zatien birziklapen tasak hobetzea eta gaikako bilketa zabor tipologia gehiagoetara zabaltzea, materialak konpontzeko eta berrerabiltzeko gune publiko edo eta pribatuak sustatzea…” hartzen ditu, besteak beste.
Haien ustez, erraustegia eraikitzeak instituzioetako finantzak eta, horrenbestez, herritarrak hipotekatuko ditu hurrengo 35 urteetan, aipatu gabe ingurumenean eta pertsonen osasunean eragingo dituen kalteak.
Dekalogoa
Zabortegi toxiko berrien irekiera edo eraikuntza arbuiatu dute, eta edozein zabortegi motaren beharra gutxitzeko esfortzua egiteko konpromisoa hartu; helburua birziklatu edo konpostatu ahal den zaborra ez isurtzea delarik, ezta tratatu gabeko hondakinak ere. Honela Lapatxen itxiera txalotu dute, eta horrelako zabortegirik ez irekitzeko konpromisoa berretsi, ez Mutiloan eta ez beste inon.
Halaber, “arkitektura ekonomiko-finantzarioak errefusatze frakzioa murrizten duten udalerriak saritzen dituen” zabor-kudeaketa proposatu dute. “Modu horretan murrizketa, berrerabilpen eta birziklapen zirkulu bertutetsua sustatzen da, guztion onurarako, diru-kutxa publikoarentzako eta platenarentzako”, azpimarratu dute.
Bestalde, Gipuzkoako gizarte zibila eta hondakinen kudeaketan ardura duten arduradun politikoei, GHK eta Foru Aldundiari dei egin nahi diete, “garai berriek eskatzen duten kudeaketa arduratsuaren eta jasangarriaren alde egin dezaten”. Astearte honetarako Aldundiaren aurrean deitutako kontzentrazioetara joateko deia egin diete herritarrei, erraustegiaren kontrako Mugimenduak eta GuraSOS plataformak deituta.
Adostasunaren bidean eskua zabalduta dutela azpimarratu dute, baita “garbi” dutela EAJ-PSEren gobernuak egunen batean mahai baten bueltan gai honekin eseri beharko dutela hitz egin eta adosteko ere.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.